ရှမ်းပြည်နယ်မြောက်ပိုင်း မုံးကိုးမြို့နယ်တွင် ကိုးကန့်လက်နက် ကိုင်အဖွဲ့ (MNDAA)နှင့်တိုက်ပွဲအတွင်း အကြမ်းဖက်စစ်ကောင်စီဘက်က ပစ်ခတ်လိုက်သည့် လက်နက်ကြီးကျည်သည် လူနေအိမ်ပေါ်သို့ ကျရောက်သဖြင့် ဒေသခံပြည်သူ ခြောက်ဦး ဒဏ်ရာရရှိခဲ့သည်။
MNDAAနှင့် အကြမ်းဖက်စစ်ကောင်စီသည်မုံးကိုးမြို့ပေါ်တွင် အောက်တိုဘာ ၁၄ရက်တိုက်ပွဲအပြင်းအထန်ဖြစ်နေပြီး ကလေးငယ်တစ်ဦးအပါအဝင် ဒေသခံပြည်သူခြောက်ဦး ထိခိုက်ဒဏ်ရာရခဲ့ခြင်းဖြစ်သည်။
“စစ်ကောင်စီဘက်က ပစ်တဲ့ကျည်က အိမ်နှစ်လုံးပေါ်ကိုကျတာ။ တိုက်ပွဲအရမ်းပြင်းတယ်”ဟု ဒေသခံတစ်ဦးကပြော သည်။
အကြမ်းဖက်စစ်ကောင်စီကအာဏာသိမ်းပြီးနောက် တိုင်း ရင်းသားလက်နက်ကိုင်အဖွဲ့ အချို့က ပြည်သူ့ဘက်မှရပ်တည်၍ စစ်ကောင်စီတပ်ကိုခုခံတိုက်ခိုက်နေရာတွင် ကိုးကန့်လက်နက်ကိုင်အဖွဲ့ (MNDAAက)ကလည်း မုံးကိုးမြို့နယ်တွင် စစ်မျက်နှာဖွင့်တိုက်ခိုက်နေသည်။
Public Service Announcement
တိုက်ပွဲကာလကြာလာသည်နှင့်အမျှ စစ်ဘေးရှောင် ငါးထောင်ခန့်ရှိလာပြီး စစ်ဘေးရှောင်များကို ကူညီကြရန် မူဆယ်နှင့် မုံးကိုးအခြေစိုက် လူမှုရေးအဖွဲ့များက မေတ္တာရပ်ခံထားသည်။
(ဒဏ်ရာရသူများကို လူနာတင်ယာဥ်ဖြင့်ဆေးရုံသို့ပို့ဆောင်ခဲ့သည်။ ဓါတ်ပုံ-CJ)
