Connect with us

Hi, what are you looking for?

သတင်း

မိုးကုတ်အကျဉ်းထောင်မှ နိုင်ကျဉ်းများ လွတ်လပ်ပြီ

မိုးကုတ်ထောင်မှ အမျိုးသမီးငါးဦး အပါအဝင် နိုင်ငံရေးအကျဉ်းသား ၁၄ဦး ကယ်ထုတ်ခဲ့ခြင်းဟု ထုတ်ပြန်ထားသည်။

ကယ်ထုတ်ခဲ့သော နိုင်ငံရေးအကျဥ်းသားများအား တွေ့ရစဥ်။ ဓာတ်ပုံ - မိုးကုတ်ဗျူဟာ

မိထက်၊အင်ကြင်း/People’s Spring

မိုးကုတ်မြို့ကို တိုက်ခိုက်သိမ်းပိုက်ပြီးနောက် အကျဉ်းထောင်မှ နိုင်ငံရေးအကျဉ်းသား ၁၄ဦးအား ကယ်ထုတ်နိုင်ခဲ့သည်ဟု ပြည်သူ့ကာကွယ်ရေးတပ်မတော်၊ မိုးကုတ်ဗျူဟာက ယနေ့(ဇူလိုင် ၂၈ရက်) ထုတ်ပြန်သည်။

မိုးကုတ်ထောင်မှ အမျိုးသမီးငါးဦး အပါအဝင် နိုင်ငံရေးအကျဉ်းသား ၁၄ဦး ကယ်ထုတ်ခဲ့ခြင်းဟု ထုတ်ပြန်ထားသည်။

Public Service Announcement

Public Service Announcement

ထောင်မှ လွတ်မြောက်လာသည့် စုစုပေါင်း အကျဉ်းသားအရေအတွက်ကို ဖော်ပြထားခြင်းမရှိသေးပေ။

နိုင်ငံရေးအကျဉ်းသား ၁၄ဦးကို ဇူလိုင်၂၇ရက်တွင် TNLA ထံမှ မိုးကုတ်ဗျူဟာက လွှဲပြောင်းလက်ခံခဲ့ခြင်းဖြစ်သည်။

” ဝမ်းသာလိုက်တာ။မြို့တွေသိမ်းပြီး ထောင်တွေဖွင့်ပေးပါ။ ငါတို့နိုင်မှ သူတို့လွတ်မှာ

အလကားအော်ခဲ့ကြတာမဟုတ်ဘူးဆိုတာ

လက်တွေ့ သူတို့ပြခဲ့ကြပြီလေ။ ကျေးဇူးတင်ပါတယ် ရဲဘော်တို့ရေ”ဟု မိုးကုတ်ဗျူဟာ၏ သတင်းထုတ်ပြန်မှုကို ပြည်သူတစ်ဦးက မှတ်ချက်ပြုထားသည်။

မိုးကုတ်မြို့ကို တအာင်းတပ်မတော်(TNLA) ဦးဆောင်သော PDFတပ်ဖွဲ့ဝင်များက ဇွန်လ ၂၅ရက်တွင် စတင်တိုက်ခိုက်ခဲ့ပြီး ဇူလိုင်၂၄ရက် ညနေ ၅နာရီတွင် အပြီးသတ်သိမ်းပိုက်နိုင်ခြင်းဖြစ်သည်။

ယခုအခါ မိုးကုတ်မြို့၌ စစ်ရေးငြိမ်သက်နေပြီး စစ်ကောင်စီ၏လေကြောင်းအန္တရာယ်ကိုသတိပြုရန် တော်လှန်ရေးအင်အားစုများက သတိပေးထားသည်။

ကိုးကန့်တပ်မတော် MNDAA တိုက်ခိုက်သိမ်းယူနေသည့် လားရှိုးမြို့တွင်လည်း နိုင်ငံရေးအကျဉ်းသားအချို့အပါအဝင် ဖမ်းဆီးခံထားရသည့်အကျဉ်းသားများ ပြန်လည်လွတ်မြောက်သည်ဟု သတင်းများထွက်ပေါ်နေသည်။ အသေးစိတ်ကို သတင်းထုတ်ပြန်ထားခြင်းမရှိသေးပေ။

ဆက်စပ်သတင်းများ

သတင်း

အာဏာသိမ်း စစ်တပ်ရဲ့ လွတ်ငြိမ်းပေးမှုကြေညာချက်နဲ့ အမှန်တကယ်လွတ်မြောက်လာတဲ့ နိုင်ငံရေးအကျဉ်းသားအရေအတွက် ကွဟာချက်တွေရှိနေပြီး နိုင်ငံရေးအကျဉ်းသားပါဝင်မှုမှာလည်း အလွန်နည်းပါးကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က ဒီကနေ့ အောက်တိုဘာ ၃၀ ရက်မှာ သတင်းထုတ်ပြန်ပါတယ်။

သတင်း

နိုင်ငံရေးအကျဉ်းသားတွေ လွတ်မြောက်ရေးအတွက် စိုးရိမ်ကြောင်းပြောဆိုနေရုံနဲ့ မလုံလောက်ဘဲ လက်တွေ့ကျတဲ့ အရေးယူဆောင်ရွက်မှုတွေ လုပ်ဆောင်ပေးဖို့ နိုင်ငံတကာအသိုင်းအဝိုင်းကို မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က တောင်းဆိုလိုက်ပါတယ်။

သတင်း

မြန်မာနိုင်ငံအလယ်ပိုင်းရှိ မကွေးထောင်မှာ ထောင်တွင်း ဖိနှိပ်မှုတွေ တင်ပြဖို့အားထုတ်သူနိုင်ငံရေးအကျဉ်းသားအမျိုးသားကိုထောင်ဝန်ထမ်းတွေဝိုင်းဝန်းရိုက်နှက်တိုက်ပိတ်ထားတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM) က ဒီနေ့ (အောက်တိုဘာ ၁၈ ရက်) မှာ သတင်းထုတ်ပြန်ထားပါတယ်။

သတင်း

ထိုင်း-မြန်မာနယ်စပ် မဲဆောက်မြို့မှာ ရောက်ရှိနေတဲ့ နိုင်ငံရေးအင်အားစုတွေက လူထုခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ အားလုံး လွတ်မြောက်ရေးအတွက် ဆုတောင်းပွဲကို ဒီကနေ့ (အောက်တိုဘာ ၆) မှာ ပြုလုပ်ခဲ့ကြပါတယ်။

Facebook