မေလ ၃ ရက် မနက်ပိုင်းက မက်ဒရီပူရမှာရှိတဲ့ ပက်ဒ်မာ မြစ်ထဲမှာ စက်တပ်သမ္ဗာန် တစ်စီးက သဲတွေအပြည့် တင်လာတဲ့ ကုန်တင်လှေငယ်နဲ့ ဝင်တိုက်ခဲ့တာ ဖြစ်ပါတယ်။ စက်တပ်သမ္ဗာန်ပေါ်မှာ ခရီးသည် တော်တော်များများ လိုက်ပါလာခဲ့ပါတယ်။
လက်ရှိ အချိန်ထိ ရုပ်အလောင်း ၂၆ လောင်း ရှာတွေ့ထားပြီး ၅ ဦးကိုတော့ အသက်ရှင်လျက် ကယ်ဆယ်နိုင်ခဲ့ပါတယ်။ နောက်ထပ် ပျောက်ဆုံးနေသူတွေ ရှိပေမယ့် အရေအတွက် အတိအကျ မသိရသေးပါဘူး။
စက်တပ်သမ္ဗာန်ဟာ ဘင်္ဂလားဘာဇားကို ဦးတည် ခုတ်မောင်းနေရင်း မတော်တဆမှုဖြစ်ပြီး နစ်မြုပ်သွားခဲ့တာပါ။ မြစ်ထဲမှာ ရေယာဉ်ချင်း တိုက်မိတဲ့ အကြောင်းရင်းကိုတော့ စုံစမ်းနေဆဲပါ။
လတ်တလောမှာတော့ မီးသတ်နဲ့ မြစ်ကြောင်းလုံခြုံရေး ရဲတပ်ဖွဲ့တွေက ဒေသခံတွေနဲ့ ပူးပေါင်းပြီး ပျောက်ဆုံးနေသူတွေကို ဖြန့်ကျက် ရှာဖွေနေကြောင်း သိရပါတယ်။
Public Service Announcement
