မိထက်/People’s Spring
စစ်ကိုင်းတိုင်း၊ ဘုတလင်မြို့နယ်တွင် CDM ကျောင်းဆရာမတစ်ဦးနှင့် ၎င်း၏မောင် မသန်စွမ်းအမျိုးသားကို စစ်ကောင်စီကဖမ်းဆီးသွားပြီး အမျိုးသားအားသတ်ဖြတ်လိုက်ကြောင်း သတင်းရရှိသည်။
ဘုတလင်မြို့နယ်၊ကံသာကျေးရွာမှ CDM ကျောင်းဆရာမတစ်ဦးသည် မောင်ဖြစ်သူနှင့် အတူ စက်တင်ဘာ ၁၉ရက် နံနက်တွင် စစ်ကောင်စီ၏ ဖမ်းဆီးခံရခြင်းဟု ဒေသခံတစ်ဦးကပြောသည်။
Public Service Announcement
” ရွာကနေမြို့တက်လာထူတုန်း လမ်းမှာဖမ်းသွားတာ။ ဖမ်းပြီးမကြာဘူး သူ့(ကျောင်းဆရာမ)မောင်ရဲ့ လို့အလောင်းကို လမ်းဘေးမှာတွေ့တယ်။ ကျောင်းဆရာမကိုလည်း ဘယ်မှာဖမ်းထားတယ်မသိသေးဘူး”ဟု ဘုတလင်မြို့ခံတစ်ဦးက ပြောသည်။
သတ်ဖြတ်ခံရသူသည် အသက်(၂၀)ခန့်အရွယ် ကိုဟန်တင့်ဆိုသူဖြစ်ပြီး ခြေထောက်တစ်ဖက်မသန်စွမ်းသူဖြစ်ကြောင်း သတင်းရရှိသည်။
ဖမ်းဆီးခံထားရသည့်ကျောင်းဆရာမအတွက် မြို့ခံများနှင့်မိသားစုဝင်များက စိုးရိမ်နေကြသည်။
ဘုတလင်မြို့ပေါ်တွင် ယနေ့တွင် တိုက်ပွဲဖြစ်နေပြီး စစ်ကောင်စီက လေကြောင်းမှ ဗုံကြဲတိုက်ခိုက်နေရာ အသေးစိတ်အခြေနေကိုမသိရှိရသေးကြောင်း မြို့ခံများက ပြောသည်။
