တိုက်ပွဲတွေကြောင့် ပြည်တွင်းမှာ လူဦးရေ ၃သိန်းခွဲနီးပါး နေရပ်စွန့်ခွာ တိမ်းရှောင်နေရ

စစ်ကောင်စီနဲ့ပြည်သူ့ကာကွယ်ရေးတပ်ဖွဲ့တွေကြားတိုက်ပွဲတွေပြင်းထန်လာတာကြောင့် ပြည်တွင်းမှာပဲ နေရပ်စွန့်ခွာထွက်ပြေးရသူပြည်သူဦးရေဟာ ၃သိန်းခွဲ နီးပါးရှိလာတယ်လို့ ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး(UNOCHA) က သတင်းထုတ်ပြန်ပါတယ်။

နေရပ်စွန့်ခွာထွက်ပြေးတိမ်းရှောင်ရတဲ့ပြည်သူတွေကတော့ မြန်မာနိုင်ငံအရှေ့တောင်ပိုင်းဒေသတွေနဲ့ မြန်မာနိုင်ငံအနောက်မြောက်ပိုင်းဒေသတွေဖြစ်ပါတယ်။

မြန်မာနိုင်ငံအရှေ့တောင်ပိုင်းဒေသတွေဖြစ်တဲ့ ကယားပြည်နယ် ၊ကရင်ပြည်နယ်၊ မွန်ပြည်နယ်နဲ့တနင်္သာရီ ဒေသတွေမှာ လူဦးရေ ၁သိန်း ၉ သောင်းကျော် ဟာ နေရပ်စွန့်ခွာထွက်ပေးတိမ်းရှောင်နေရပါတယ်။

မြန်မာနိုင်ငံအနောက်မြောက်ပိုင်းဒေသတွေဖြစ်ကြတဲ့ စစ်ကိုင်း ၊မကွေးနဲ့ ချင်းမှာတော့ လူဦးရေ ၁သိန်းခွဲကျော်ဟာ တိမ်းရှောင်နေရတာဖြစ်ပါတယ်။

Public Service Announcement

လူသားချင်းစာနာမှု လုပ်ငန်းတွေ ဆောင်ရွက်နေသူတွေဟာ လုံခြုံရေးအခြေအနေ ၊စစ်ဆေးရေးဂိတ် ၊သွားလာခွင့်မိန့် မရတာတွေကြောင့် အကူအညီလိုနေသူတွေထံသွားရောက်ဖို့ ခဲယဉ်းနေတယ်လို့ UNOCHA က ဆိုထားပါတယ်။