ဥရောပသမဂ္ဂ( EU)က မြန်မာနိုင်ငံမှာ စစ်အာဏာသိမ်းမှုမှာပါဝင်ပတ်သပ်နေတဲ့ အာဏာသိမ်းစစ်ကောင်စီမှ လူပုဂ္ဂိုလ် ၁၀ ဦးနဲ့ စစ်တပ်ပိုင်စီးပွားရေးလုပ်ငန်း ကြီးနှစ်ခုကို ဧပြီ ၁၉ ရက်နေ့မှာ ဒဏ်ခတ်ပိတ်ဆို့အရေးယူလိုက်ပါတယ်။
ဒဏ်ခတ်ပိတ်ဆို့ ခံရသူတွေက ဦးသိန်းညွှန့် ၊ဦးခင်မောင်ဆွေ ၊ ပဒိုမန်းငြိမ်းမောင်၊ဒေါ်အေးနုစိန်၊ Jeng Phang နော်တောင်၊ ဦးမောင်းဟာ၊ ဦးစိုင်းလုံဆိုင်၊ စောဒယ်နီယယ်၊ ဒေါက်တာဗညားအောင်မိုး နဲ့ စစ်ကောင်စီ ပြန်ကြားရေးဝန်ကြီး ဦးချစ်နိုင်( ချစ်နိုင် – စိတ်ပညာ) တို့ဖြစ်ပါတယ်။
စီးပွားရေးလုပ်ငန်းနှစ်ခုကတော့ အာဏာသိမ်းစစ်တပ်ပိုင် မြန်မာစီးပွားရေးဦးပိုင်နဲ့ မြန်မာ့စီးပွားရေးကော်ပိုရေးရှင်း (MEC) တို့ဖြစ်ပါတယ်။
EU ကဒဏ်ခတ်အရေးတာလူပုဂ္ဂိုလ် ၃၅ ဦးနဲ့ စီးပွါးရေးလုပ်ငန်းကြီးက ၂ ခုရှိသွားပါပြီ။
Public Service Announcement
ဒါပေမယ် အီးယူအနေနဲ့ အာဏာသိမ်းစစ်တပ်ကို ဒဏ်ခတ်အရေးယူတာမှာ အာဏာသိမ်းစစ်အုပ်စုရဲ့ ဝင်ငွေရလမ်းတွေကိုပိုအထိ့နာစေမယ့် သဘာဝဓါတ်ငွေ့တူးဖော်ရောင်းဝယ်မှုနဲ့ပတ်သပ်တဲ့လုပ်ငန်းတွေမှာ ရင်းနှီးမြှုပ်နှံရောင်းဝယ်ဖောက်ကားမှု မလုပ်တော့ဘဲ ဒဏ်ခတ်အရေးယူဖို့ တိုက်တွန်းမှုတွေရှိနေပါတယ် ။
