မုံရွာမြို့မှ ဆန္ဒပြခေါင်းဆောင် ကိုဝေမိုးနိုင်ကို ပုဒ်မ ငါးခုဖြင့် တရားစွဲဆိုထားပြီးပထမဆုံးရုံးချိန်းကို ဧပြီ ၂၃ညရက်တွင် ဗီဒီယိုကွန်းဖရင့်စနစ်ဖြင့်ရုံးထုတ်ခဲ့ကာ ကျန်းမာရေး ကောင်းမွန်ကြောင်း မုံရွာလူထုသပိတ် ဦးဆောင်ကော်မတီက ယနေ့သတင်းထုတ်ပြန်သည်။
“ကိုဝေမိုးနိုင်ကိုလည်း Video Conferencing ဖြင့်ရုံးထုတ်သည်ဟုသိရပြီးကျန်းမာရေးအခြေအနေကောင်းမွန်သည်ဟု တရားလွှတ်တော်ရှေ့နေ ကိုမိုးဇော်ထွန်းနှင့် မုံရွာခရိုင်ရှေ့နေများကွန်ရက်ထံမှ ကြားသိရပါသည်။မိဘပြည်သူများအနေဖြင့် ကိုဝေမိုးနိုင်နှင့် ပါတ်သက်သည့် သတင်းများကို ချင့်ချိန်စိစစ်ပြီးမှ ယုံကြည်ပေးပါရန် မုံရွာလူထုသပိတ်တိုက်ပွဲဉီးဆောင်ကော်မတီမှ တိုက်တွန်းအပ်ပါသည်” ဟုထုတ်ပြန်ချက်တွင် ဖော်ပြထားသည်။
ကိုဝေမိုးနိုင်ကို တရားစွဲဆိုထားသည့် ပုဒ်မ ၃၀၂အတွက် တရားလွှတ်တော်ရှေ့နေ ကိုမိုးဇော်ထွန်း ကတာဝန်ယူဆောင်ရွက်သွားမည်ဖြစ်ပြီး ကျန်
ပုဒ်မများကို မုံရွာခရိုင်ရှေ့နေများကွန်ရက်မှ ဥပဒေကြောင်းအရ လိုက်ပါကူညီဆောင်ရွက်သွားမည်ဖြစ်ကြောင်း လည်း ပါရှိသည်။
နောက်ရုံးချိန်းကို မေလ ၇ ရက်တွင် ချိန်းဆိုထားကြောင်းလည်းသတင်းရရှိသည်။
ကိုဝေမိုးနိုင်အပါအဝင် ၃၈ ဦးကိုရဲမှူး ခင်သန်းကည တရားလိုပြုလုပ်၍ ပုဒ်မ များစွာဖြင့် တရားစွဲဆိုထားခြင်းဖြစ်သည်။ထို့အပြင် ဧပြီ ၂၃ ရက်ကရုံးထုတ်ရာတွင်
အသက်မပြည့်သေးသော လူငယ် လေးဦးကိုကလေးသူငယ်တရားရုံးတွင် တရားစွဲဆိုခဲ့ပြီး ၊ရုံးရှေ့တင်ပို့တရားစွဲသူ တရားခံစုစုပေါင်းမှာ ၄၂ဦး ရှိသည်။
Public Service Announcement
တရားစွဲဆိုစဥ် ဖမ်းဆီးရမိခြင်းမရှိသေးသူများကိုလည်း တရားခံပြေးအမှုဖြင့် တရားစွဲဆိုထားသည်ဟုဆိုသည်။
မုံရွာမြို့မှ ဆန္ဒပြခေါင်းဆောင် ကိုဝေမိုးနိုင်ကို ဧပြီ ၁၅ ရက်က စစ်ကောင်စီတပ်ဖွဲ့ဝင်များက အရပ်ဝတ်ဖြင့် အိမ်စီးကားကို အသုံးပြု၍ ဆိုင်ကယ်ဖြင့်ဆန္ဒပြနေသည့်ကိုဝေမိုးနိုင်ကို ဝင်တိုက်ကာဖမ်းဆီးခဲ့ခြင်းဖြစ်သည်။
