Connect with us

Hi, what are you looking for?

LuduNwayOo

News

မြန်မာ စစ်ရှောင်ဒုက္ခသည် ၂၀၀၀ ကျော်အတွက် နေရာထိုင်ခင်း စီစဉ်ထားတယ်လို့ ထိုင်းအစိုးရပြော

မြန်မာဖက်က စစ်ရှောင်လာတဲ့ ဒုက္ခသည် ၂၀၀၀ ကျော်အတွက် နေရာထိုင်ခင်းနဲ့ အထောက်အပံ့တွေ စီစဉ်ပေးထားကြောင်း ထိုင်းအစိုးရက ပြောပါတယ်။

စစ်ကောင်စီတပ်က လေယာဉ်ဖြင့် ဗုံးကြဲတိုက်ခိုက်မှုကြောင့် ထွက်ပြေးတိမ်းရှောင်နေသည့် စစ်ရှောင်ဒုက္ခသည်များကို တွေ့ရစဉ် (ဓာတ်ပုံ - Karen Information Center)

ကာကွယ်ရေး ဝန်ကြီးဌာန ပြောရေးဆိုခွင့်ရ အရာရှိ ကွန်ချစ်ပ် တန်ထရာဗာနစ်ချ်က မြန်မာ စစ်ဘေးသင့် ဒုက္ခသည်တွေအတွက် လူသားချင်း စာနာမှုဆိုင်ရာ အထောက်အပံ့တွေ ကူညီပေးဖို့ ထိုင်းစစ်တပ်က တာဝန်ယူ ဆောင်ရွက်နေကြောင်း အတည်ပြုခဲ့ပါတယ်။

ထိုင်းစစ်တပ်ဟာ သံလွင်မြစ်ကို ဖြတ်ကူးလာတဲ့ စစ်ပြေး ဒုက္ခသည်တွေ ခိုလှုံဖို့ မယ်ဟွန်ဆွန်းမှာ လုံခြုံရေးဇုန် တစ်ခု သတ်မှတ်ပေးထားကြောင်း ကွန်ချစ်ပ်က ဆိုပါတယ်။ သံလွင်မြစ်ဟာ ထိုင်းနဲ့ မြန်မာ နယ်နိမိတ်ကို ခွဲခြားသတ်မှတ်ထားတဲ့ မြစ်တစ်စင်း ဖြစ်ပါတယ်။

မယ်ဟွန်ဆွန်း အခြေစိုက် လူ့အခွင့်အရေး လှုပ်ရှားသူတွေက မြန်မာ စစ်ရှောင် ဒုက္ခသည်တွေကို အကူအညီပေးဖို့ ထိုင်းအစိုးရကို တောင်းဆိုလာတဲ့နောက် အခုလို တုံ့ပြန် စီမံလာတာ ဖြစ်ပါတယ်။ မြန်မာနိုင်ငံမှာ ကရင်တိုင်းရင်းသား လက်နက်ကိုင် အင်အားစုတွေဖြစ်တဲ့ KNUနဲ့ KNLAတို့က အာဏာသိမ်း စစ်ကောင်စီနဲ့ တိုက်ပွဲတွေ ဖြစ်ပွားနေတာကြောင့် ဒေသခံတွေ စစ်ဘေးရှောင် ထွက်ပြေးနေကြရတာပါ။

ထိုင်းအစိုးရဟာ စစ်ရှောင် ပြည်သူတွေအတွက် လက်ရှိ သတ်မှတ်ထားတဲ့ လုံခြုံရေးဇုန်မှာ Covid-19 ရောဂါ ကူးစက်မှုတွေကို ထိန်းချုပ်ဖို့ပါ အလေးထား ဆောင်ရွက်မယ်လို့ ဆိုပါတယ်။ အဲဒီနေရာ တဝိုက်မှာ လုံခြုံရေး ပိုမိုတင်းကျပ်ထားပြီး တာဝန်ရှိသူတွေကလွဲလို့ အဝင်အထွက် လုပ်ခွင့် မပေးဘဲ ကန့်သတ်ထားမှာ ဖြစ်ပါတယ်။

နယ်စပ်နားမှာ တိုက်ပွဲတွေ အစပျိုးလာချိန် ကတည်းက ထိုင်းဖက်ကို တိမ်းရှောင်နေသူ တချို့ကတော့ နေရပ်ပြန်ဖို့ စီစဉ်နေပြီလို့ စစ်ဘက် တာဝန်ရှိသူတွေက ပြောပါတယ်။ ဒါပေမဲ့ တစ်ဖက်မှာလည်း ပြည်သူတွေက ပြန်ချင်တာ မဟုတ်ဘဲ ထိုင်းအာဏာပိုင်တွေကသာ နေရပ်ပြန်ကြဖို့ အတင်းအကျပ် ဖိအားပေးနေတယ်ဆိုတဲ့ ကောလာဟလ တချို့လည်း ပျံ့နှံ့နေပါတယ်။

You May Also Like

သတင်း

ကလေးမလေးဟာ မြေအနက် ၁၄ မီတာ (၄၂ ပေ)လောက်မှာ ရှိနေခဲ့တာ ဖြစ်ပါတယ်။ ကယ်ဆယ်ရေး အဖွဲ့တွေဟာ ၁၇ နာရီလောက်ဆက်တိုက် တွင်းတူးခဲ့တဲ့နောက် ကလေးမလေးရဲ့ ငိုသံကို ကြားခွင့်ရခဲ့ကြပါတယ်။

သတင်း

စစ်ရှောင်များ မြွေဆိုးအန္တရာယ် ကြိုကာကွယ်နိုင်ရန် စွတ်ဖိနပ်များ၊ အခြေခံဆေးဝါးများ၊ BPIထုတ်နှင့် အိန္ဒိယထုတ် မြွေဆိပ်ဖြေဆေးများလိုအပ်နေပြီးကူ​ညီပါဝင်မှုမျှော်လင့်ကြောင်း ၎င်းက ဆက်​ပြောသည်။

ဗီဒီယို

ထိုင်းက အဝေးပြေး လမ်းမတွေမှာ လုံခြုံရေး အစီအမံ အားနည်းချက်တွေ ရှိနေတာကြောင့် ဆိုးရွားတဲ့ ယာဉ်မတော်တဆမှု သတင်းတွေကို ရံဖန်ရံခါ ကြားရလေ့ ရှိကြောင်းလည်း သိရပါတယ်။

သတင်း

ပြည်သူများအနေဖြင့် ပုန်းခိုကျင်းများ တူးထားရန်၊ စစ်ကောင်စီ၏ လေကြောင်းအန္တရာယ်အား အထူးသတိပြုကြရန်လည်း မင်းတပ် CDFက အသိပေးထားသည်။