Connect with us

Hi, what are you looking for?

LuduNwayOo

News

မံစီမြို့နယ်ရှိ စစ်ကောင်စီတပ်စခန်း KIA သုံးရက်ဆက်တိုက်ခိုက်

ကချင်ပြည်နယ်၊ ဗန်းမော်ခရိုင်၊ မံစီမြို့နယ်တွင် အာဏာသိမ်းစစ်ကောင်စီတပ်စွဲထားသည့် တပ်စခန်းတစ်ခု ပြန်လည်ရရှိရေးအတွက် ကချင်လွတ်လပ်​ရေးတပ်မ​တော်(KIA)က ထိုးစစ်ဆင် တိုက်ခိုက်လျက်ရှိရာ ယနေ့အထိ တိုက်ပွဲပြင်းထန်နေဆဲ ဖြစ်သည်။

မံစီမြို့နှင့် မိုင်အနည်းငယ်သာဝေးသည့် မဒမ်ယန် တပ်စခန်းသည် ယခင်က KIA တပ်စခန်းဖြစ်ပြီး ၂၀၁၃ ခုနှစ်က စစ်တပ်က ဝင်ရောက်နေရာ ယူခဲ့ရာ ယခု မေလ ၁၁ရက်မှ စတင်၍ KIAက တိုက်ခိုက်နေခြင်းဖြစ်သည်။

“မြေပြင်တိုက်ပွဲတွေလည်း ပစ်တာခတ်တာ ရှိပြီးမှ စစ်‌ကောင်စီဘက်က လေ‌ကြောင်းနဲ့ တိုက်ခိုက်တာ ရှိပါတယ်။ လက်နက်ကြီးရော အစုံပေါ့”ဟု KIA သတင်းနှင့် ပြန်ကြားရေးဌာန တာဝန်ခံ ဗိုလ်မှူးကြီး နော်ဘူက မေလ ၁၂ရက် ညပိုင်း၌ ပြောသည်။ ယနေ့မေလ ၁၃ရက်တွင်လည်း အဆိုပါနေရာ၌ တိုက်ပွဲဆက်ဖြစ်နေဟု ၎င်းက ​ပြောသည်။

အဆိုပါ တပ်စခန်းသည် ဗန်းမော် – နမ့်ခမ်း လမ်းကြောင်း၌ ရှိပြီး KIA အတွက်
သွားလာရေးနှင့် နယ်မြေစိုးမိုးရေး အတွက် အရေးပါသည့် တပ်စခန်း ဖြစ်ကြောင်း ၎င်းက ဆိုသည်။

“အဲဒီ တပ်စခန်းက ကျွန်တော်တို့ တပ်စခန်းဖြစ်ပါတယ်။ ကျွန်တော်တို့ အုပ်ချုပ်နယ်မြေဖြစ်ပါတယ်။ အဲဒါကို သူတို့ နယ်မြေကျူးကျော်ပြီးမှ နေတဲ့ တပ်စခန်းဖြစ်ပါတယ်။ ဒါကြောင့် ကျွန်တော်တို့က ပြန်ရဖို့ တိုက်တာဖြစ်ပါတယ် “ဟု ‌ဗိုလ်မှူးကြီး နော်ဘူက ပြောသည်။

Public Service Announcement

Public Service Announcement

အဆိုပါ တပ်စခန်း သိမ်းပိုက်နိုင်ခြင်း ရှိပြီလားဟု မေးမြန်းရာ သိမ်းပိုက်လိုက်သည့် သတင်းမျိုး မရသေးဟု ဗိုလ်မှူးကြီးနော်ဘူက ပြောသည်။

KIA အနေဖြင့် စစ်တပ်အာဏာသိမ်းပြီးနောက် ဖားကန့် နှင့် မိုးမောက် မြို့နယ် အပါအဝင် ကချင်ပြည်နယ်အတွင်း ယခင်က ၎င်းးတို့တပ်စွဲခဲ့သည့် တပ်စခန်းများ ပြန်ရရေး ထိုးစစ်ဆင်လျက်ရှိသည်။

ယင်းအနက် မိုးမောက်မြို့နယ် ဒေါ့ဖုန်းယန် မြို့နယ်ခွဲအတွင်းရှိ ‌အလော့ဘွမ် တပ်စခန်းကို KIA ကမတ် ၂၅ရက်တွင် သိမ်းပိုက်ခဲ့ရာ စစ်ကောင်စီက အဆိုပါ စခန်းပြန်ရရေး လေကြောင်း ကြည်းကြောင်း၊ လက်နက်ကြီးပစ်ကူ တို့ဖြင့် အပြင်းအထန် ထိုးစစ်ဆင်လျက်ရှိသော်လည်း အောင်မြင်မှု မရဘဲ အထိအခိုက် အကျအဆုံး များပြားခဲ့သည်။ လက်ရှိ အချိန်ထိ KIAက အလော့ဘွမ်တပ်စခန်းကို ထိန်းချုပ်ထားသည်။

ဆက်စပ်သတင်းများ

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

ဧပြီ ၂၀ရက်တွင် ဆီဆိုင်မြို့နယ် နားခိုက်ကျေးရွာရှိ PNLO ဒုဥက္ကဋ္ဌ(၂)ဖြစ်သူဗိုလ်မှူးချုပ်ခွန်ကျော်ထင်၏ မိသားစုပိုင်နေအိမ်၊ PNLAရဲဘော်အချို့ မိဘပိုင်နေအိမ်နှင့် ပြည်သူအချို့၏ နေအိမ်များကို PNO ပြည်သူ့ စစ်က ဖြိုချဖျက်ဆီးကာ မီးရှို့ဖျက်ဆီးခဲ့ခြင်းဖြစ်သည်ဟု ဖော်ပြသည်။