Connect with us

Hi, what are you looking for?

LuduNwayOo

News

မင်းတပ်တိုက်ပွဲတွင် စစ်​ကောင်စီက ဓါတုလက်နက်များ အသုံးပြုလာ​ကြောင်း သံသယရှိ​ဟု ထုတ်ပြန်

မင်းတပ်မြို့အနောက်ဘက်တိုက်ပွဲတွင် စစ်​ကောင်စီတပ်များက ဓာတုလက်နက်များအသုံးပြုသည်ဟု သံသယဖြစ်ဖွယ်ရှိ​ကြောင်း မင်းတပ်မြို့ပြည်သူ့အုပ်ချုပ်​​ရေးအဖွဲ့က ယ​နေ့ထုတ်ပြန်သည်။

လက်ရှိတွင် မြို့တွင်းတိုက်ပွဲ၊ မြို့အရှေ့တိုက်ပွဲများမရှိတော့သော်လည်း မြို့အနောက်ပိုင်း မင်းတပ်-မတူပီ လမ်းတွင် တိုက်ပွဲများ ပြင်းထန်နေဆဲဖြစ်သည်ဟု ထုတ်ပြန်သည်။

မေလ ၁၂ ရက်တွင် မတူပီမှ ဆင်းလာသော စစ်ကား (၆) စီးသည် လမ်းတွင်အကြိမ်ကြိမ်ဖြတ်တိုက်ခံရပြီး မင်းတပ်မြို့သို့မရောက်နိုင်ဖြစ်ရာ မေလ ၁၅ ရက်တွင် မတူပီ ဗျူဟာမှ စစ်ကူ စစ်ကားနောက်ထပ် (၇) စီး ထပ်မံဆင်းလာသည်ဟု ထုတ်ပြန်ချက်တွင် ပါရှိသည်။

အနောက်ဘက်တိုက်ပွဲတွင်လည်း စစ်​ကောင်စီတပ်များသည် RPG များ၊ လောင်ချာများ၊ ဟောင်ဝစ်ဇာ လက်နက်ကြီးများကို တောက်လျှောက်သုံးလာခဲ့သည်ဟုဆိုသည်။

မြို့နှင့် ၁၆ မိုင်အကွာတွင် လက်နက်ကြီး ကျည်ကုန်၍ ထပ်ရှေ့မတိုးနိုင်တော့သောကြောင့် မတူပီမှ စစ်ကူတောင်း​ခြင်းဖြစ်မည်ဟု ယူဆရသည်ဟု ဆိုသည်။

ထို့အပြင် မေလ၁၇ရက်တွင် မိုင် ၃၀ နှင့် ၄၀ ကြားဖြစ်သောတိုက်ပွဲတွင် အသုံးပြုသော လက်နက်ကြီးများသည် ယခင်လက်နက်ကြီးများနှင့် မတူဘဲ CDF-Mindat ရဲဘော်အချို့သည် ဗုံးဆံများမထိ၊ ပြင်ပဒဏ်ရာများမရှိသော်လည်း မူးဝေခြင်း၊ အော့အန်ခြင်း၊ အရုပ်ကြိုးပြတ် အားနည်းခြင်းများဖြစ်၍ တွဲကူထမ်းထုတ်ရသည့် အခြေအနေ များ တွေ့ကြုံရသည်ဟု ထုတ်ပြန်အသိ​ပေးထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

"မိုးနှောင်းခင်းရွာကိုသွားတဲ့ တောင်ကြားလမ်းကို ပိတ််ထားတယ်လို့ သိရတယ်။ ရွာထဲမှာပျူသင်တန်းပေးနေလို့ လမ်းပိတ်ထားတာတဲ့။"ဟု တောင်သာနယ်ဒေသခံတစ်ဦးက ပြောသည်။

သတင်း

စစ်ကောင်စီတပ်သည် မြိုင်မြို့နယ်အနောက်ပိုင်း၊ ကျောက်ခွက်ကျေးရွာသို့ စက်တင်ဘာ ၂၅ ရက်က စစ်ကြောင်းထိုးဝင်ရောက်လာခဲ့စဥ် ကျောက်ခွက်ရွာအရှေ့ထိပ်တွင် မြိုင်(ပကဖ)နှင့် မဟာမိတ်တပ်ဖွဲ့များက မိုင်းသုံးလုံးဆွဲတိုက်ခိုက်ခဲ့ရာ စစ်ကောင်စီတပ်သားနှစ်ဦး သေဆုံးခဲ့သည်။

သတင်း

စစ်ကောင်စီတပ်သည် စက်တင်ဘာ ၂၉ရက်တွင် ထီးချိုင့်မှ ထွက်ခွာလာရာ ပေါက်ကုန်းရွာအဝင်နားတွင် ထိတွေ့တိုက်ပွဲဖြစ်ခဲ့သည်ဟု Tigyaing Revolution က သတင်းဖော်ပြသည်။

သတင်း

ပုလောနှင့်လောင်းလုံးမြို့အပါအဝင် တနင်္သာရီတိုင်းဒေသကြီးသည် စစ်အာဏာရှင်တော်လှန်ရေးတွင် လက်နက်ကိုင်တိုက်ခိုက်မှုရော လူထုသပိတ်ပါအားကောင်းသည့်ဒေသ ဖြစ်သည်။