Connect with us

Hi, what are you looking for?

News

KIA နှင့် PDF ပေါင်းတိုက်သည့် ကသာ တိုက်ပွဲ စစ်ကောင်စီ အကျအဆုံးများ

စစ်ကိုင်းတိုင်းဒေသကြီး ကသာမြို့နယ် နမ့်စမ်းကျေးရွာအနီးတွင် ယနေ့မနက်ပိုင်းက တိုက်ပွဲဖြစ်ပွားခဲ့ရာ စစ်ကောင်စီဘက်က အကျအဆုံးများပြားကြောင်း ကသာ ပြည်သူ့ကာကွယ်ရေးတပ်ဖွဲ့(KPDF)က သတင်းထုတ်ပြန်သည်။

အဆိုပါတိုက်ပွဲကို မဟာမိတ်တပ်ဖွဲ့ ကချင်လွတ်​မြောက်​ရေးတပ်မ​တော်(KIA)နှင့်အတူ ပူးပေါင်း တိုက်ခိုက်ခဲ့ခြင်းဖြစ်ပြီး ယနေ့နံနက် ၄နာရီမှ ၁၁နာရီအထိ ၇ နာရီခန့် ကြာမြင့်ခဲ့သည်ဟု ထုတ်ပြန်ချက်၌ ဖော်ပြထားသည်။

စစ်ကောင်စီဘက်မှ လက်နက်ကြီးများဖြင့် ရမ်းသမ်းပစ်ခတ်ခဲ့၍ အဆိုပါဒေသရှိ ကျေးရွာများမှ နေအိမ်အချို့ ပျက်စီးမှုရှိခဲ့ကြောင်း ထုတ်ပြန်ခဲ့သည်။

တိုက်ပွဲကြောင့် ဒေသခံများ တိမ်းရှောင်ခဲ့ရပြီးအချို့မှာ မြို့ပေါ်သို့ရောက်ရှိနေသည်ဟု ကသာမြို့ခံတစ်ဦးက ပြောသည်။အဆိုပါတိုက်ပွဲဖြစ်ပွားရာဒေသသည် ကသာ – ဗန်းမော်လမ်းကြောင်းတွင်တည်ရှိပြီး မြို့နှင့် ၁၇မိုင်ခန့်ဝေးကြောင်း ၎င်းကဆိုသည်။

လက်ရှိတွင် မြို့ပေါ်၌ စစ်ကောင်စီလက်နက်ကိုင်မှား လှည့်လည်နေသည်ကို တွေ့ရကြောင်းလည်း ကသာမြို့ခံကပြောသည်။

Public Service Announcement

Public Service Announcement

ကသာ PDF၏ ထုတ်ပြန်ချက်တွင် ၎င်းတို့ အနေဖြင့် ကျေးရွာများမထိခိုက်အောင် တောတွင်းမှ စစ်ဆင်ရေး လုပ်သော်လည်း စစ်ကောင်စီ လက်နက်ကိုင်များသည် မဆိုင်သည့်ကျေးရွာများကိုလက်နက်ကြီးဖြင့်တမင်ပစ်ခတ်ခဲ့ကြောင်း၊ မှတိတိုင်ကျေးရွာတွင်လည်း လူသားဒိုင်းအသွင်ဖြင့်အများနှင့်ဆိုင်သောနေရာများတွင်တပ်စွဲလျက်ရှိနေကြောင်း ဖော်ပြထားသည်။

ဆက်စပ်သတင်းများ

ဆောင်းပါး

စစ်ကောင်စီစခန်းတစ်ခုမှာ ဖမ်းဆီးခံထားရတာလည်း အချိန်တခုကြာခဲ့ပြီ။ သူက PDFလည်းမဟုတ်ဘဲ သာမန်ပြည်သူတစ်ဦးပါ။

သတင်း

ပွဲဝင်သွားမည်ဖြစ်ကြောင်း အဖွဲ့ ဥက္ကဋ္ဌ ဗိုလ်ချုပ်ကြီးအင်ဘန်လက ယနေ့(​ဖေ​ဖော်ဝါရီ ၅) ကျရောက်သည့် ကချင်တော်လှန်ရေးနေ့ မိန့်ခွန်း၌ ​ပြောကြားခဲ့သည်။

News Story

ချောင်းဦးမြို့ဟာ စစ်ကိုင်းတိုင်း၊ မုံရွာ-မန္တလေးလမ်းပေါ်က အညာမြို့ငယ်လေးတမြို့ပါ။ သို့ပေသိ နွေဦးတော်လှန်ရေးမှာ ချောင်းဦးမြို့ရဲ့ တော်လှန်ရေးအပေါ်ခံယူချက်၊ ပေးဆပ်ရမှုတွေက မနည်းခဲ့ဘူး။ တော်လှန်ရေးခရီးအစ ၂၀၂၁ ခုနှစ် နိုဝင်ဘာလထဲမှာ စစ်ကောင်စီရဲ့ဖမ်းဆီးသတ်ဖြတ်ခံခဲ့ရတဲ့ ချောင်းဦး PDF လေး နှစ်ဦးရဲ့ "ချောင်းဦး PDF ပါခင်ဗျ။ ချောင်းဦး PDF...

သတင်း

မွန်ပြည်နယ်၊ ဘီးလင်းမြို့နယ်ထဲက မဲပလီစစ်ကောင်စီဗျူဟာစခန်းကို​တော်လှန်​ရေးတပ်​တွေက သိမ်းပိုက်ခဲ့တဲ့ ရုပ်သံမှတ်တမ်းကို ပြည်သူ့ကာကွယ်ရေးတပ်မတော်(PDF) အမှတ်(၂၇)စစ်ဗျူဟာက ထုတ်ပြန်ပါတယ်။