ကိုဗစ်ကုသရေးအတွက် ဆရာဝန်တွေကို ကန်ထရိုက်စနစ်နဲ့ခန့်ထားဖို့ စီစဉ်ထားတယ်လို့ အာဏာသိမ်း စစ်ကောင်စီ ဥက္ကဋ္ဌ ကပြောပါတယ်။
ဆရာဝန်လိုအပ်တဲ့နေရာတွေကိုဖြန့်ချပေးမှာဖြစ်ပြီး တပ်ဆရာဝန်တွေကလည်းကုသပေးမှာဖြစ်တဲ့အပြင် လိုအပ်တဲ့ဆရာဝန်တွေကို ကန်ထရိုက်စနစ်နဲ့ခန့်မှာဖြစ်တယ်လို့ ဆိုပါတယ်။
ဒါအပြင် ပြည်တွင်းမှာ ကိုဗစ်ကာကွယ်ဆေးထုတ်ဖို့ ရုရှားနဲ့ ပူးပေါင်း ဆောင်ရွက်မယ့်အနေအထားရှိတယ်လို့လည်းပြောပါတယ်။
လက်ရှိမှာတော့ ပြည်တွင်းမှာ ကိုဗစ်တတိယလှိုင်းနဲ့ ကြုံတွေ့နေရတာဖြစ်ပြီး အောက်ဆီဂျင်ပြတ်လပ်မှုတွေနဲ့ကြုံနေရသလို၊ ဆေးရုံ တက်ဖို့အတွက် ကုတင်မလောက်တဲ့အတွက် စောင့်ဆိုင်းနေရသူလည်းအများအပြားရှိနေတာပါ။
ဒါကြောင့် ပြည်သူတွေကြားမှာ အာဏာသိမ်းစစ်ကောင်စီခေါင်းဆောင် ကိုဗစ်တိုက်ဖျက်ရေးစီမံပုံနဲ့ ဒေါ်အောင်ဆန်းစုကြည်ဦးဆောင်တဲ့အစိုးရ တို့ရဲ့ ကိုင်တွယ်မှု ကွာခြားပုံကို ထောက်ပြပြောဆိုနေကြတာတွေ့ရပါတယ်။