ကရင်အမျိုးသားအားလုံး သွေးစည်းညီညွတ်ရေးကို မလိုလားသော စစ်ကောင်စီ၏ သွေးထိုးနေခြင်းကို နားမယောင်ရန် သတိပေးနိုးဆော်ကြောင်း ကရင်အမျိုးသားကာကွယ်ရေးတပ်ဖွဲ့(KNDO)က ဇူလိုင် ၁၄ရက်တွင် ထုတ်ပြန်သည်။
ကရင်အမျိုးသားအစည်းအရုံး(KNU) လက်အောက်ခံ လက်နက်ကိုင်တပ်ဖွဲ့ဖြစ်သော KNDOက စစ်ကောင်စီဘက်က လုပ်ကြံဖော်ပြထားသည့် စာတစ်စောင်နှင့်ပတ်သက်၍ ပြန်လည်ရှင်းလင်း ရာ၌ အထက်ပါအတိုင်း ဖော်ပြခဲ့သည်။
ဗိုလ်မှူးချုပ်စောနယ်ဒါးမြ ဦးဆောင်သည့် KNDOသည် KNU ခေါင်းဆောင်များအား လုပ်ကြံရန် စီစဉ်နေကြောင်းသိရသည်ဆိုသည့် အချက်ပါသော စာသည် မှန်ကန်မှုမရှိဘဲ စစ်ကောင်စီက သွေးထိုးနေခြင်းသာဖြစ်ကြောင်း KNDO က ထုတ်ပြန်သည်။ KNU ခေါင်းဆောင်များအား လုပ်ကြံရန် စီစဉ်နေသည်ဟူသော သတင်းသည် လုံး၀ မမှန်ကန်ကြောင်း KNDOက ဆိုသည်။
KNDO ရည်ညွှန်းသည့် စစ်ကောင်စီ ထုတ်ပြန်သည်ဆိုသော စာတွင် NCA ပါ စည်းများများကို လိုက်နာခြင်းမရှိဘဲ နိုင်ငံတော်စီမံအုပ်ချုပ်ရေးကောင်စီအား ဆန့်ကျင်တိုက်ခိုက်ရန်နှင့် ပြည်သူ့ကာကွယ်ရေးတပ်ဖွဲ့ PDFများကို သင်တန်းပေးနေသည့် စောနယ်ဒါးမြ ဦးဆောင်သည့် အဖွဲ့အား လက်ဦးမှုရယူယ ချေမှုန်းနိုင်ရေး အသင့်ပြင်ထားရန် ညွှန်ကြားထားသည်။ အဆိုပါစာသည် စစ်ကောင်စီ ထုတ်ပြန်သည့် စာဟုတ်မဟုတ်ကိုမူ သီးခြားအတည်ပြုနိုင်ခြင်းမရှိပေ။
Public Service Announcement
သို့ရာတွင် အဆိုပါစာသည် လူမှုကွန်ရက်၌ ပြန့်နှံ့နေသည်။စစ်ကောင်စီအနေဖြင့် ကချင်ပြည်နယ်တွင်လည်း အချက်အလက်အမှားများ ပါသော စာများကို အသုံးပြုပြီး ကချင်လက်နက်ကိုင်အဖွဲ့(KIA)အား ပြည်သူလူထုအမြင်မှားစေရန် လုပ်ဆောင်မှုရှိနေကြောင်း KIA သတင်းနှင့်ပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောဆိုထားသည်။
