Connect with us

Hi, what are you looking for?

LuduNwayOo

News

လွိုင်ကော်မြို့နယ်တွင် စစ်ကောင်စီယာဉ်တန်းအား KNPP/KNDF ပူးပေါင်းအဖွဲ့ မိုင်းဆွဲတိုက်ခိုက်

စစ်ကောင်စီအနေဖြင့် လက်တလောတွင် ဖရူဆိုနှင့် ဘောလခဲမြို့နယ်အတွင်း၌ ထိုးစစ်ဆင်မှုများ ပြုလုပ်နေပြီး ယင်းဒေသများအား တပ်အင်အားနှင့် ရိက္ခာများ ဖြည့်တင်းရန် ကြိုးစားနေကြောင်း KNDFက ဆိုသည်။

လွိုင်ကော်မြို့နယ် ကယန်းသာယာရွာနှင့် ကျောက်ကုန်းကျေးရွာ အနီး ရိက္ခနှင့် တပ်အင်အား အပြည့် သယ်ဆောင်လာသော အကြမ်းဖက်စစ်ကောင်စီတပ်ယာဉ်တန်းကို ခြုံခိုတိုက်ခိုက်ခဲ့ကြောင်း ကရင်နီအမျိုးသားကာကွယ်ရေးတပ်မတော်(KNDF)က ယနေ့သတင်းထုတ်ပြန်သည်။

ဇူလိုင် ၂၂ရက် ညနေပိုင်းက ပြုလုပ်ခဲ့သည့် အဆိုပါ ခြုံခိုတိုက်ခိုက်မှုကို ကရင်နီအမျိုးသားတိုးတက်ရေးပါတီ(KNPP/KA) နှင့် KNDF တို့ ပူးတွဲဆောင်ရွက်ခဲ့ခြင်းဖြစ်သည်ဟုဆိုသည်။
“မနေ့ကဖြစ်ခဲ့တာ မိုင်းဆွဲပြီးတော့ တိုက်တဲ့ဖြစ်စဉ်လေးပါပဲ။အပြန်အလှန် ပစ်ခတ်မှုမဖြစ်ဘူး” ဟု KNDF ပြောရေးဆိုခွင့်ရှိသူက ပြောကြားသည်။

တိုက်ခိုက်မှုကြောင့် အကြမ်းဖက်စစ်ကောင်စီတပ်မှ စစ်ကားတစ်စီး မီးလောင်ပျက်စီးခဲ့ပြီး သေဆုံးထိခိုက်ဒဏ်ရာရမှုများရှိနိုင်ကြောင်း KNDFက ထုတ်ပြန်ခဲ့သည်။

အကြမ်းဖက်စစ်ကောင်စီအနေဖြင့် စစ်ကား ၁၈စီးပါ ယာဉ်တန်းဖြင့် လွိုင်လင်လေးမှ လွိုင်ကော်ဘက်သို့ ဦးတည်ပြီး လူ၊ ရိက္ခာ၊ လက်နက်နှင့် သယ်ဆောင်ရေးသုံးတိရိစ္ဆာန်များဖြစ်သော လားနှင့်မြင်းများကို စစ်ကားများဖြင့် သယ်ဆောင်လာခြင်းဖြစ်ကြောင်း ထုတ်ပြန်ချက်၌ ဖော်ပြထားသည်။

စစ်ကောင်စီအနေဖြင့် လက်တလောတွင် ဖရူဆိုနှင့် ဘောလခဲမြို့နယ်အတွင်း၌ ထိုးစစ်ဆင်မှုများ ပြုလုပ်နေပြီး ယင်းဒေသများအား တပ်အင်အားနှင့် ရိက္ခာများ ဖြည့်တင်းရန် ကြိုးစားနေကြောင်း KNDFက ဆိုသည်။

KNPP/KNDF ပူးပေါင်းလက်နက်ကိုင်အဖွဲ့နှင့် စစ်ကောင်စီတပ်တို့သည် ဘောလခဲမြို့နယ် နန်းဖဲရွာအနီးတွင် ဇူလိုင် ၁၆ရက်မှ ၁၉ရက်အတွင်း တိုက်ပွဲ ၃ကြိမ်ဖြစ်ပွားခဲ့သည်။ ထိုစဉ်ကလည်း ထိုးစစ်ဆင်လာသည့် စစ်ကောင်စီတပ်များကို KNPP/KNDF ပူးပေါင်းအဖွဲ့က မိုင်းဆွဲတိုက်ခိုက်ခြင်းကြောင့်တိုက်ပွဲဖြစ်ပွားခဲ့ခြင်းဖြစ်သည်။

ယမန်နေ့က စစ်ယာဉ်တန်းတိုက်ခိုက်မှုအပါအဝင် ဘောလခဲနှင့် လွိုင်ကော်မြို့နယ်၌ ယခုလအတွင်း တိုက်ပွဲ ၁၂ကြိမ်ဖြစ်ပွားခဲ့သည်။ တိုက်ပွဲများတွင် ခြုံခိုတိုက်ခိုက်ခြင်းခံရသည့် စစ်ကောင်စီတပ်များ အထိနာခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အဆိုပါစစ်ဆင်ရေးကို မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) တပ်ရင်း (၂) တပ်ခွဲ (၄) Fight For People နှင့် မုံရွာမြို့ ပြောက်ကျားတပ်ဖွဲ့များဖြစ်သော ဗိုလ်ပေါက်ကြား၊ ဗိုလ်ဗျတ်ဝိ၊ Black Rose တို့ပူးပေါင်းဆောင်ရွက်ခဲ့သည်ဟု ဆိုသည်။

သတင်း

စစ်ကောင်စီတပ်သည် မြိုင်မြို့နယ်အနောက်ပိုင်း၊ ကျောက်ခွက်ကျေးရွာသို့ စက်တင်ဘာ ၂၅ ရက်က စစ်ကြောင်းထိုးဝင်ရောက်လာခဲ့စဥ် ကျောက်ခွက်ရွာအရှေ့ထိပ်တွင် မြိုင်(ပကဖ)နှင့် မဟာမိတ်တပ်ဖွဲ့များက မိုင်းသုံးလုံးဆွဲတိုက်ခိုက်ခဲ့ရာ စစ်ကောင်စီတပ်သားနှစ်ဦး သေဆုံးခဲ့သည်။

သတင်း

စစ်ကောင်စီတပ်သည် စက်တင်ဘာ ၂၉ရက်တွင် ထီးချိုင့်မှ ထွက်ခွာလာရာ ပေါက်ကုန်းရွာအဝင်နားတွင် ထိတွေ့တိုက်ပွဲဖြစ်ခဲ့သည်ဟု Tigyaing Revolution က သတင်းဖော်ပြသည်။

သတင်း

ပုလောနှင့်လောင်းလုံးမြို့အပါအဝင် တနင်္သာရီတိုင်းဒေသကြီးသည် စစ်အာဏာရှင်တော်လှန်ရေးတွင် လက်နက်ကိုင်တိုက်ခိုက်မှုရော လူထုသပိတ်ပါအားကောင်းသည့်ဒေသ ဖြစ်သည်။