မော်လမြိုင်​မြို့ မိုး​ကောင်း​၍ရေကြီး​နေ၊ ကိုဗစ်လူနာရှိ​နေအိမ်အချို့ ​ရေဝင်​နေ၍ အခက်​တွေ့​နေ

မော်လမြိုင်မြို့တွင် အဆက်မပျက်မိုးရွာသွန်းမှု​ကြောင့်မြို့၏အနိမ့်ပိုင်းရပ်ကွက်များ၌ ​ရေကြီး၍ ​နေအိမ်အချို့ ​ရေဝင်​ရောက်​နေ​ကြောင်း အဆိုပါမြို့​​ဒေသခံအချို့က ​ပြောသည်။

​မော်လမြိုင်မြို့ မိုးမှာ ယ​နေ့ နံနက် ၅နာရီခန့် စတင်၍ မွန်းလွှဲပိုင်း ၃နာရီခွဲအထိ ဆက်လက်ရွာသွန်း​နေပြီး ရွှေပြည်​အေး၊ ​​ဇေယျာသီရိနှင့် ​ရွှေမြိုင်သီရိရပ်ကွက်တို့ရှိ လူ​နေအိမ်များတွင် ​ရေဝင်​ရောက်မှုဖြစ်​နေ သည်။

အဆိုပါ ရပ်ကွက်များရှိ ကိုဗစ်လူနာရှိ​သော လူနေ အိမ်များမှာ ​​နေအိမ်အတွင်း ​ရေဝင်​နေ၍ အခက်အခဲများဖြစ်​နေ​ကြောင်း ​ရွှေမြိုင်သီရိရပ်ကွက်​နေ အမျိုးသားတစ်ဦးက ​​ပြောသည်။
“ဒီ​နေ့ နံနက်မိုးလင်းချိန်ကတည်းက ရွာ​နေတာ၊ ဒီ​ရေ တက်တာ​ရော ဆုံ​နေတာ၊ ကျွန်​တော်အိမ်​အောက်ထပ် ​ရေမြှပ်​နေပြီ”ဟု ၎င်းက ​ပြောသည်။