Connect with us

Hi, what are you looking for?

LuduNwayOo

News

စစ်​ကောင်စီက ​အောက်စီဂျင်စက်ရုံ​တွေကိုထိန်းချုပ်လိုက်တာ​ကြောင့် ကိုဗစ်လူနာများဒုက္ခ​ရောက်

ကိုဗစ်လူနာ​တွေရဲ့ ​အောက်စီဂျင်အိုး​တွေကို စက်ရုံမှာအခမဲ့တန်းစီ​စောင့်​ဖြည့်​ပေး​ပြီးကူညီနေတဲ့ လူမှုကူညီ​ရေး​ဆောင်ရွက်​နေသူတွေက ဇူလိုင် ၂၉ ရက်ကစပြီး လူနာ​တွေအတွက် ​မကူညီနိုင်​တော့ဘူးလို့​ပြောပါတယ်။

Covid-19 တတိယလှိုင်းမှာ ပြည်တွင်းကူးစက်​သေဆုံးမှုအလွန်များ​နေတာ​ကြောင့် ကိုဗစ်လူနာ​တွေအတွက် ​အောက်စီဂျင်လိုအပ်ချက်အလွန်မြင့်မား​နေချိန်မှာ အာဏာသိမ်းစစ်​ကောင်စီက နိုင်ငံပိုင်​ရော ၊ပုဂ္ဂလိကပိုင် ​အောက်စီဂျင် စက်ရုံ​တွေကိုပါထိန်းချုပ်လိုက်တာကြောင့် ​ကိုဗစ်လူနာ​တွေအောက်စီဂျင်ရဖို့ ပိုမိုခက်ခဲ​သွား​​တယ်လို့ ကိုဗစ်​ရောဂါခံစား​နေရသူ​တွေနဲ့ လူမှုကူညီ​ရေးအ သင်း​တွေကတာဝန်ရှိသူ​တွေက ​ပြောပါတယ်။

ကိုဗစ်လူနာ​တွေရဲ့ ​အောက်စီဂျင်အိုး​တွေကို စက်ရုံမှာအခမဲ့တန်းစီ​စောင့်​ဖြည့်​ပေး​ပြီးကူညီနေတဲ့ လူမှုကူညီ​ရေး​ဆောင်ရွက်​နေသူတွေက ဇူလိုင် ၂၉ ရက်ကစပြီး လူနာ​တွေအတွက် ​မကူညီနိုင်​တော့ဘူးလို့​ပြောပါတယ်။

သူတို့​အောက်စီဂျင် ဖြည့်​ပေး​နေတဲ့စက်ရုံကို စစ်​ကောင်စီက ဇူလိုင် ၂၈ ရက်မှာစီးနင်းလိုက်ပြီး ပြည်သူတစ်ဦးချင်းလာဝယ်တာ​တွေ ၊ လူမှုကူညီ​ရေးအသင်းက လာဖြည့်တာ​တွေကို ထုတ်မ​ပေး​​တော့ဘဲ ​အောက်စီဂျင်လာဝယ်ချင်ရင် ကိုဗစ်လူနာ​နေထိုင်တဲ့ ရပ်ကွက် အုတ်ချုပ်​ရေးမှူရုံး(စစ်​ကောင်စီခန့်)က​ထောက်ခံစာ ပါမှ ဝယ်ရမယ့်လို့ ကန့်သတ်လိုက်​​တယ်လို့ လူမှုကူညီ​​ရေး​ဆောင်ရွက်​နေသူ တစ်ဦးက​ပြောပါတယ်။

ကိုဗစ်လူနာ​တွေကို ​အောက်စီဂျင်ရရှိဖို့ လိုက်လံ ကူညီ​နေသူတစ်ဦးကလည်း သူတို့​အောက်စီဂျင်ဝယ်​နေကြစက်ရုံမှာ အရင်လို ပြည်သူတစ်ဦးချင်းအတွက် ဝယ်မရ​တော့ဘဲ စစ်​ကောင်စီသတ်မှတ်ထားတဲ့ ​ဆေးရုံနဲ့ စစ်​ကောင်စီတပ်မှု အရာရှိ​တွေနဲ့ပတ်သပ်သူ​တွေသာ ဝယ်ရ​တော့​တယ်လို့​ပြောပါတယ်။

“​အောက်စီဂျင်ဝယ်ဖို့ အလွယ်ဆုံးနည်းက​တော့ စစ်​ကောင်စီက ဗိုလ်မှူး​တွေ ၊ဗိုလ်ကြီး​တွေအသိ့ရှိရင် သူတို့အဆက်အသွယ်နဲ့ဖုန်းဆက်ဝယ်တာ၊သူတို့ ကစာ​ရေး​ပေးတာမျိုးပဲ ဝယ်လို့လွယ်တယ် ။ ပြည်သူ​တွေကို​ရော ၊ ပရဟိတအသင်း​တွေကို​ရော မ​​ပေး​တော့ဘူး ။စက်ရုံ​တွေကို သူတို့(အာဏာသိမ်းစစ်​ကောင်စီ)က စီးထားပြီ” လို့ ကိုဗစ်လူနာ​တွေကို ​အောက်စီဂျင် လိုက်ဖြည့်​ပေး​နေ​သူတစ်ဦးက​ပြောပါတယ် ။​အောက်စီဂျင် ဖြည့်မရ​နာ​ကြောင့် အခု​တော့ သူလည်း လူနာ​တွေကို မကူညီနိုင်​တော့ဘူးလို့​ပြောပါတယ်။

နိုင်ငံပိုင်​ရော၊ပုဂ္ဂလိကပိုင်​အောက်စီဂျင်စက်ရုံ​တွေမှာ စစ်​ကောင်စီအတွက်ဘ​အောက်စီဂျင်လိုအပ်ချက်အဓိကဖြည့်ဆည်း​ပေးရသလို ၊သူတို့သတ်မှတ်တဲ့​ဆေးရုံ​တွေအတွက် ဖြည့်​ပေးရပါတယ်။

ကျန်​အောက်စီဂျင်ကို ယခင်ရက်​တွေက ပုဂ္ဂလိက တစ်ဦးချင်းနဲ့ ပရဟိတအဖွဲ့​တွေကို​ရောင်း​ပေးလို့ရ​ပေမယ့် ဇူလိုင်လကုန်ပိုင်းကစပြီး​ရပ်ကွက်​ထောက်ခံစာပါမှ ​ရောင်းရမယ်လို့စစ်​ကောင်စီက ပိတ်ပင်လိုက်တာဖြစ်ပါတယ်။

ပြည်သူ​တွေ ကိုဗစ်​ရောဂါ​ကြောင့်​​နေ့စဥ် ​ထောင်ချီ​သေဆုံး​နေပြီး ဒုက္ခ​ရောက်​နေချိန်မှာ ​အောက်စီဂျင် ရရှိ​အောင် စစ်​ကောင်စီက ကူညီရမယ့်အစား ပိုခက်ခဲ​အောင်လုပ်ပြီး သူတို့ရဲ့ ရပ်ကွက်၊ မြို့နယ်၊ အုပ်ချုပ်​ရေး ယန္တယား​တွေ ကို ပြည်သူ​တွေ အသိ့အမှတ်ပြုလာ​အောင် လုပ်တာက လုံးဝ မလုပ်သင့်တဲ့ နိုင်ငံ​ရေးအမြတ်ထုတ်မှုလို့လည်း လူမှုကူညီ​ရေးအသင်းအချို့က တာဝန်ရှိသူ​တွေက ပြောပါတယ်။

“​အောက်စီဂျင် လိုချင်ရင် သူတို့ရဲ့ရပ်ကွက်အုပ်ကြီး​တွေဆီမှာ ​ထောက်ခံစာယူမှပဲ ။သူတို့နဲ့အဆက်အဆံလုပ်ချင်ချင်၊ မလုပ်ချင်ချင် လိုချင်ရင်​တော့ သူတို့ဆီသွားမှပဲ ရမယ် ။ သူတို့က အဲလိုဖြစ်​အောင်လုပ်တာ” လို လူမှုကူညီ​ရေး အသင်းတစ်သင်းကတာဝန်ရှိသူက​ပြောပါတယ်။


စစ်​ကောင်စီ နဲ့ အဆက်အဆံမလုပ်ချင်​ပေမယ့် ​အောက်စီဂျင် အိုးလိုတာ​ကြောင့် ​ထောက်ခံစာယူပြီး ဝယ်တာမှာ ၁၀ လီတာအိုး တစ်အိုးကို ၇၀၀၀ ကျပ်​ပေးရပြီး ၊လူမှု​ရေးအသင်း​တွေ ဝယ်ရတဲ့ နှုန်းထက် ပိုများတယ်လို့ ကိုဗစ်​ရောဂါခံစား​နေရတဲ့ ​တောင်ဥက္ကလာပ မြို့နယ်​နေ ပြည်သူတစ်ဦးကလည်း​ပြောပါတယ်။


၁၀ လီတာအတွက် ​အောက်စီဂျင် အရည်ဖြည့်ခမှာ ပုံမှန်ဆိုရင် ၃၀၀၀ သာဖြစ်တယ်လို့ကိုဗစ်လူနာ​တွေကို ​အောက်စီဂျင်လိုက်ဖြည့်​ပေးသူတစ်ဦးက​ပြောပါတယ်။


သူတို့ လူမှုကူညီ​ရေးအဖွဲ့ဆိုရင် ​အောက်စီဂျင် ဖြည့်ရတဲ့အချိန် မှာကတည်းက စစ်​ကောင်စီရဲ့ ရပ်ကွက် အုပ်ချုပ်​ရေး အဖွဲ့​တွေက ခဏ ၊ခဏ အတိုင်ခံခဲ့ရတယ်လို့​ပြောပါတယ်။ သူတို့က လူနာ​တွေကို ​အောက်စီဂျင် အရည်ဖိုးသာ ယူပြီးအခမဲ့ဖြည့်​ပေးတာ​ကြောင့် အောက်စီဂျင် ဖြည့်တာက​နေ အကျိုးအမြတ်ရှာချင်တဲ့ စစ်​ကောင်စီ ​အောက်​ခြေ အဖွဲ့ဝင်​တွေက မ​ကျေနပ်လို့ တိုင်တာထင်တယ်လို့လည်း သူက ​ပြောပါတယ်။

​အောက်စီဂျင် ဝယ်ဖို့ ခက်ခဲ​အောင် လုပ်လိုက်တာ​ကြောင့် ရန်ကုန်မှာ ဒီရက်​တွေ ကိုဗစ်လူနာ​သေဆုံးမှု ထပ်တိုးလာနိုင်​​သေးသလို ၊ လူမှုကူညီ​ရေးအဖွဲ့​တွေအ​နေနဲ့လည်း ​အောက်စီဂျင်ရဖို့အတွက် မကူညီနိုင်​တော့တဲ့အ​ခြေအ​နေ​ကြောင့် အရမ်းဝမ်းနည်း​​ကြောင်း လူမှုကူညီ​ရေး အဖွဲ့တစ်ဖွဲ့ ဦး​ဆောင်လုပ်​နေသူက​ပြောပါတယ်။

“လူ​တွေအသက်ကို ထည့်မတွက်ဘူး အခုချိန်ထိအာဏာ ရူးဖို့ပဲလုပ်​နေတာ ။ အ​တော် လူမဆန်တဲ့ လူ​တွေဗျာ”လို့ သူက​ ပြောပါတယ်။

စစ်တပ်က အာဏာသိမ်းလိုက်တာ​ကြောင့်ကျန်းမာ​ရေး စနစ်ပျက်စီးသွားသလို ၊အာဏာသိမ်းမှု​နောက်ဆက်တွဲ ဆရာဝန်​တွေ ၊​စေတနာ့ဝန်ထမ်း​တွေကို ဖမ်းဆီး​နှိပ်စက်​​ထောင်ချပြီး ဖမ်းဝရမ်းထုတ်ထားတာ​​တွေ​ကြောင့် ကိုဗစ်ကာကွယ်​ရေး စနစ်တစ်ခုလုံးပျက်စီးသွားတာ​၊ အာဏာ သိမ်းစစ်​ကောင်စီက ​စေတနာမရှိသလို ၊စီမံခန့်ခွဲနိုင်စွမ်းမရှိတာကြောင့် ကိုဗစ်တတိယလှိုင်းမှာ ဇူလိုင်လ ကစပြီး ​နေ့စဥ် လူ​ထောင်ချီ​သေဆုံး​နေပါတယ်။ စစ်​ကောင်စီ လက်​အောက်ခံ ကျန်းမာ​ရေးဝန်ကြီးဌာနက ​နေ့စဥ် ၃၀၀ ​ကျော်​သေဆုံး​နေတယ်လို့ထုတ်ပြန်​ပေမယ့် ရန်ကုန်တစ်မြို့တည်းမှာ​ပဲ ​နေ့စဥ် ကိုဗစ်လူနာ ၁၀၀၀ ​ကျော်​သေဆုံး​နေပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

တမူးမြို့မှ စစ်ကောင်စီတပ်သည် ကလေးမြို့အခြေစိုက် ခြေလျင်တပ်ရင်းတစ်ခုဖြင့် တပ်အချိန်းအပြောင်းပြုလုပ်ရန် စက်တင်ဘာလကစ၍ ကြိုးစားနေခြင်းဖြစ်သည်။

သတင်း

ဖြစ်စဥ်နှင့်ပတ်သက်၍ ဒေါင်းနက်-နယ်စည်းမခြားပြောက်ကျားတပ်ဖွဲ့ ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပေ။

သတင်း

တိုက်ပွဲများအတွင်း KNLA၊ KNDOနှင့် မိတ်ဖက် တော်လှန် ရေးတပ်များဖက်မှ ၅ဦး ဒဏ်ရာရခဲ့ပြီး ကျဆုံးမှုမရှိဟု ဖော်ပြထားသည်။

သတင်း

"ထိခိုက်မှုတော့ မရှိပါဘူးခင်ဗျာ။ ဖျော်ဖြေရေး မဏ္ဍပ်တော့ အမိုးနဲ့ ကြမ်းခင်းတွေ ပေါက်ထွက်ကုန်တယ်"ဟု Guerrilla Dawei မှ တော်လှန်ရေးရဲဘော်တစ်ဦးက ပြောသည်။