Connect with us

Hi, what are you looking for?

LuduNwayOo

သတင်း

ဒရုန်းနဲ့ တိုက်ခိုက်ခံထားရတဲ့ ဒုချုပ်စိုးဝင်း စစ်​ကောင်စီအစည်းအဝေးမတက်

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

ဒရုန်းနဲ့ တိုက်ခိုက်ခံထားရတဲ့ ဒုချုပ်စိုးဝင်း စစ်​ကောင်စီအစည်းအဝေးမတက်
ဒရုန်းနဲ့ တိုက်ခိုက်ခံထားရတဲ့ ဒုချုပ်စိုးဝင်း စစ်​ကောင်စီအစည်းအဝေးမတက်

▪︎တိုက်ခိုက်ခံရပြီး​ လူမြင်ကွင်းကပျောက်​နေတာ ၁၂ ရက်​ကျော်ရှိလာ

​နေ့သစ်/People’s Spring

စစ်​ကောင်စီ ကလူစုံတက်​ရောက်တဲ့ ဧပြီ ၂၂ ရက်အစည်းအ​ဝေးမှာ ဧပြီ ၁၀ ရက်က ဒရုန်းနဲ့တိုက်ခိုက်ခံရပြီး​ပျောက်​နေတဲ့ အာဏာသိမ်း စစ်ကောင်စီရဲ့ ဒုတိယ ခေါင်းဆောင် ဒုတိယဗိုလ်ချုပ်မှူးကြီးစိုးဝင်း တက်ရောက်လာတာ မတွေ့ရပါဘူး။

စစ်​ကောင်စီရဲ့ ဝန်ကြီး​တွေ အစုံတက်​ရောက်သလို၊ တိုင်းနဲ့ပြည်နယ်ဝန်ကြီးချုပ်​တွေ ဗီဒီယိုကွန်းဖရင့်စ်က​နေ တကိကြတယ်ဆိုတဲ့ အစည်းအဝေးမှာ ဒုတိယဗိုလ်ချုပ်မှူးကြီး စိုးဝင်း ကလူကိုယ်တိုင်​ရော ၊အွန်လိုင်းကပါ မတက်​ရောက်ခဲ့ပါဘူး။

ဒုချုပ်စိုးဝင်း နဲ့ စစ်တပ်အရာ​တွေ​တွေကို ဧပြီ ၁၀ ရက်​နေ့က ​မော်လမြိုင်မြို့ အ​ရှေ့​တောင်တိုင်းစစ်ဌာနချုပ်(ရတခ)ရှိ စု​ပေါင်းစစ်ဆင်​​ရေးခန်းမတွင် အ​ရေးကြီးအစည်းအ​ဝေးလုပ်​နေချိန်မှာရှာထူးဝေါ်နည်းပညာတပ်ဖွဲ့ Alpha Bats တပ်ခွဲရဲ့ကာမီကာဇေဒရုန်းတွေနဲ့ တိုက်ခိုက်ခံခဲ့ရတာဖြစ်ပါတယ် ။အဲဒီတိုက်ခိုကိမှု​ကြောင့် ​သေဆုံးသူ ၊ထိခိုက်ဒဏ်ရာရသူများခဲ့ပြီး ဒုချုပ်စိုးဝင်းလည်း ဒဏ်ရာရခဲ့တယ်လို့ ရှာထူး​ဝေါ် နည်းပညာတပ်ဖွဲ့မှ တာဝန်ရှိသူတစ်ဦးက​ပြောပါတယ် ။

Public Service Announcement

Public Service Announcement

ဒုချုပ်စိုးဝင်းဟာ ပေါက်ကွဲဒဏ်ရာထက် အမိုးတန်း ပုခုံးပေါ်ပြုတ်ကျသည့်ဒဏ်ရာက ပိုမိုပြင်းထန်ခဲ့ကြောင်း၊ အရာရှိအရာခံ ၂၀ ကျော်ဒဏ်ရာရခဲ့ကြောင်း၊ ကစထ မှူး ညွန့်ဝင်းဆွေက ခြေထောက်ပဲထိပြီး စိုးဝင်းလောက် မစိုးရိမ်ရကြောင်း၊ အခုတော့ ၁/၁၀၀၀ စစ်ဆေးရုံမှာ ကုသခံနေရကြောင်း အထက်ပါတာဝန်ရှိသူက People’s Spring သို့ဧပြီ ၁၈ ရက်မှာ​ပြောပါတယ် ။

“​နေပြည်​တော်ပြန်​ရောက်သွားပြီ ။ဒဏ်ရာက​တော့ရထားတယ် ။​ဆေးကုသမှုက​တော့ခံယူ​နေရဦးမှာပဲ။ကျန်တဲ့ ​နောက်ဆက်တွဲသတင်းတော့ ​​သေချာ မသိရ​သေးဘူး”ဟုရှာထူး​ဝေါ် နည်းပညာတပ်ဖွဲ့မှ တာဝန်ရှိသူကဆက်​ပြောသည်။

ဒါ​​ပေမယ့် ဧပြီ ၂၂ ရက်က​နေပြည်​တော်မှာလုပ်ခဲ့တဲ့အစည်းအဝေးမှာတော့ ဒုချုပ်စိုးဝင်းထိုင်​လေ့ရှိတဲ့ စစ်​ခေါင်း​ဆောင်ရဲ့ ညာဘက်ထိပ်ဆုံးခုံး​နေရာကို လစ်လပ်နေတာ အတိုင်းသားတွေ့ရပါတယ်။

တစ်ကယ်ဆိုရင် အာဏာသိမ်းဒုခေါင်းဆောင်ဟာ ဧပြီလ ၃ ရက်က ဗထူးတပ်နယ်က ဗိုလ်သင်ကျောင်းဆင်းပွဲကို တက်ရောက်ပြီးတဲ့နောက်ပိုင်းမှာ လူမြင်ကွင်းကနေပျောက်နေတာပါ။ဒါ​ကြောင့် အဲဒီ​နေ့​​နောက်ပိုင်း​ရေတွက်မယ်ဆို လူမြင်ကွင်းက​ပျောက်​နေတဲ့ရက်​ပေါင်း ၂၀ ရှိပြီဖြစ်ပါတယ် ။စစ်တပ်အာဏာသိမ်းပြီး​နောက်ပိုင်း ရက်အကြာဆုံး လူမြင်ကွင်းက ​ပျောက်​နေတာလည်းဖြစ်ပါတယ် ။

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

အာဏာသိမ်းစစ်​ခေါင်း​ဆောင်ဟာလည်း ဧပြီ ၄ ရက်​နေ့မှာ ​နေပြည်​တော်က သူ့အိမ်ကို ရှာထူးဝေါ်နည်းပညာသုံးကာမီကာ​​ဇေ ဆူဆိုက်ဒရုန်း​တွေနဲ့ တိုက်ခိုက်ခံခဲ့ရသလို ဧပြီ ၁၄ ရက်တွင်လည်း ပြင်ဦးလွင်၌ရှိစဥ် ​ရှော့တိုက်ဒုံးဖြင့်တိုက်ခိုက်ခံခဲ့ရပြီး လွတ်​မြောက်လာခြင်းဖြစ်သည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။