Connect with us

Hi, what are you looking for?

LuduNwayOo

News

အကြမ်းဖက်စစ်ကောင်စီတပ်များကို ပြင်းထန်စွာခုခံတိုက်ခိုက်မည်ဟု KNDF ထုတ်ပြန်

ပြည်သူများကို နည်းမျိုးစုံဖြင့် ညှင်းပမ်းနှိပ်စက်နေသော အကြမ်းဖက် စစ်ကောင်စီတပ်များကို ပြင်းပြင်းထန်ထန် ခုခံတိုက်ခိုက်သွားမည်ဖြစ်ကြောင်း ကရင်နီအမျိုးသားကာကွယ်ရေးတပ်ဖွဲ့(KNDF)က ယနေ့ထုတ်ပြန်သည်။

ထိုသို့တိုက်ခိုက်ရာတွင် ကရင်နီအမျိုးသားတိုးတက်ရေးပါတီ(KNPP/KA) နှင့်အတူ ပူးပေါင်းတိုက်ခိုက်သွားမည်ဟု ဖော်ပြထားသည်။

စစ်ကောင်စီအနေဖြင့် ကရင်နီဒေသများဖြစ်သော လွိုင်ကော်၊ ဒီးမော့ဆို၊ ဖားဆောင်း မြို့နယ်များတွင် စစ်ဆင် ရေးများ လုပ်ဆောင်နေကြောင်း၊ စစ်ကောင်စီအနေဖြင့် ဩဂုတ်လမှ အောက်တိုဘာလအထိ အပစ်ရပ်စဲမည်ဟု ​ကြေညာထားသော်လည်း လက်တွေ့တွင် ကြေညာချက်နှင့်ဆန့်ကျင်ပြီး ကရင်နီပြည်နယ်တွင် ထိုးစစ်ဆင်လျက်ရှိကြောင်း KNDFက ဆိုသည်။

ထို့ပြင် စစ်ကောင်စီအနေဖြင့် တစ်နိုင်ငံလုံး အတိုင်း အတာဖြင့် ကူးစက်ပြန့်ပွားလျက်ရှိသော COIVD-19 ကပ်ရောဂါကို ပိုမိုမပြန့်ပွားအောင် ကာကွယ်တားဆီးရမည်ဖြစ်သော်လည်း ဒေသတွင်း၌ ပြည်သူများ တည် ဆောက်ထားသည့် COVID-19 စစ်ဆေးရေးဂိတ်များကို အတင်းအဓမ္မ ဖြုတ်ချစေခဲ့ကြောင်း၊ ယင်းသို့ လုပ် ဆောင်ခြင်းသည် COVID-19 ရောဂါကူးစက်ပြန့်ပွားရေး စစ်ကောင်စီက ရည်ရွယ်ချက်ရှိစွာ လုပ်ဆောင်နေခြင်းဖြစ်ကြောင်း KNDFက ထုတ်ပြန်ခဲ့သည်။

အကြမ်းဖက်စစ်ကောင်စီ၏ ထိုးစစ်ဆင်မှုများ၊ ရည်ရွယ် ချက်ရှိရှိဖြင့် COVID-19 ရောဂါကူးစက်ပြန့်ပွားစေမှုများကို အပြန်းအထန်ကန့်ကွက်ရှုံ့ချကြောင်း ထုတ်ပြန်ခဲ့သည်။

စစ်ကောင်စီ၏ ထိုးစစ်ဆင်မှုများကြောင့် ဇူလိုင်လအတွင်းက KNDF/KNPP ပူးပေါင်းတပ်များနှင့် စစ်ကောင်စီအကြား တိုက်ပွဲ ၁၀ကြိမ်ကျော်ဖြစ်ပွားခဲ့သည်။ ဇူလိုင်လအတွင်းက ကယားပြည်နယ် လွိုင်ကော်မြို့နယ်နှင့် ဘောလခဲမြို့နယ်များ၌ ဖြစ်ပွားခဲ့သည့် တိုက်ပွဲများတွင်စစ်ကောင်စီတပ်များ အထိနာခဲ့သည်။

You May Also Like

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

ပုလောမြို့၊ ကဒဲကျေးရွာအနီးတွင်နိုဝင်ဘာ ၂၅ ရက်နေ့လယ်ပိုင်းက တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား ၅ ဦးသေဆုံးပြီး ၅ဦးထက်မနည်း ဒဏ်ရာရရှိခဲ့ခြင်းဖြစ်သည်။

သတင်း

ယမန်နေ့ကပင် မုံရွာ-မန္တလေးလမ်းပိုင်း၊ မြင်းမူမြို့နယ်အတွင်း စစ်ကောင်စီယာဥ်များ သုံးကြိမ် ထက်မနည်း ထပ်မံတိုက်ခိုက်ခံခဲ့ရသေးသည်။

သတင်း

ယမန်နေ့(နိုဝင်ဘာ ၂၄ရက်)က တိုက်ခိုက်မှုကို ပုလောမြို့နယ်ရှိ နန်းတောင်ရွာတံတားအနီးတွင်ပြုလုပ်ခဲ့ပြီး နေ့လယ် ၁နာရီမှ ၂နာရီအထိ ၁နာရီကြာ တိုက်ပွဲပြင်းထန်စွာဖြစ်ပွားခဲ့သည်ဟု ဆိုသည်။