အကြမ်းဖက်စစ်ကောင်စီတပ်များကို ပြင်းထန်စွာခုခံတိုက်ခိုက်မည်ဟု KNDF ထုတ်ပြန်

ထိုသို့တိုက်ခိုက်ရာတွင် ကရင်နီအမျိုးသားတိုးတက်ရေးပါတီ(KNPP/KA) နှင့်အတူ ပူးပေါင်းတိုက်ခိုက်သွားမည်ဟု ဖော်ပြထားသည်။

စစ်ကောင်စီအနေဖြင့် ကရင်နီဒေသများဖြစ်သော လွိုင်ကော်၊ ဒီးမော့ဆို၊ ဖားဆောင်း မြို့နယ်များတွင် စစ်ဆင် ရေးများ လုပ်ဆောင်နေကြောင်း၊ စစ်ကောင်စီအနေဖြင့် ဩဂုတ်လမှ အောက်တိုဘာလအထိ အပစ်ရပ်စဲမည်ဟု ​ကြေညာထားသော်လည်း လက်တွေ့တွင် ကြေညာချက်နှင့်ဆန့်ကျင်ပြီး ကရင်နီပြည်နယ်တွင် ထိုးစစ်ဆင်လျက်ရှိကြောင်း KNDFက ဆိုသည်။

ထို့ပြင် စစ်ကောင်စီအနေဖြင့် တစ်နိုင်ငံလုံး အတိုင်း အတာဖြင့် ကူးစက်ပြန့်ပွားလျက်ရှိသော COIVD-19 ကပ်ရောဂါကို ပိုမိုမပြန့်ပွားအောင် ကာကွယ်တားဆီးရမည်ဖြစ်သော်လည်း ဒေသတွင်း၌ ပြည်သူများ တည် ဆောက်ထားသည့် COVID-19 စစ်ဆေးရေးဂိတ်များကို အတင်းအဓမ္မ ဖြုတ်ချစေခဲ့ကြောင်း၊ ယင်းသို့ လုပ် ဆောင်ခြင်းသည် COVID-19 ရောဂါကူးစက်ပြန့်ပွားရေး စစ်ကောင်စီက ရည်ရွယ်ချက်ရှိစွာ လုပ်ဆောင်နေခြင်းဖြစ်ကြောင်း KNDFက ထုတ်ပြန်ခဲ့သည်။

အကြမ်းဖက်စစ်ကောင်စီ၏ ထိုးစစ်ဆင်မှုများ၊ ရည်ရွယ် ချက်ရှိရှိဖြင့် COVID-19 ရောဂါကူးစက်ပြန့်ပွားစေမှုများကို အပြန်းအထန်ကန့်ကွက်ရှုံ့ချကြောင်း ထုတ်ပြန်ခဲ့သည်။

Public Service Announcement

စစ်ကောင်စီ၏ ထိုးစစ်ဆင်မှုများကြောင့် ဇူလိုင်လအတွင်းက KNDF/KNPP ပူးပေါင်းတပ်များနှင့် စစ်ကောင်စီအကြား တိုက်ပွဲ ၁၀ကြိမ်ကျော်ဖြစ်ပွားခဲ့သည်။ ဇူလိုင်လအတွင်းက ကယားပြည်နယ် လွိုင်ကော်မြို့နယ်နှင့် ဘောလခဲမြို့နယ်များ၌ ဖြစ်ပွားခဲ့သည့် တိုက်ပွဲများတွင်စစ်ကောင်စီတပ်များ အထိနာခဲ့သည်။