Connect with us

Hi, what are you looking for?

LuduNwayOo

News

ကယားတွင် တိုက်ပွဲလေးကြိမ်ဖြစ်ပွားပြီး စစ်ကောင်စီတပ်ဖွဲ့ဝင် ၁၁ဦးသေဆုံး

KNDF/KNPP(KA) တို့အနေဖြင့် ဒေသတွင်းသို့ ထိုးစစ်ဆင်လာသည့် အကြမ်းဖက်စစ်ကောင်စီတပ်များကို ဆက်လက်ရင်ဆိုင် တိုက်ခိုက်သွားမည်ဖြစ်ပြီး ပြည်သူများအနေဖြင့် လုံခြုံရေး သတိရှိကြရန် KNDFက အသိပေးထုတ်ပြန်သည်။

ကရင်နီပြည်(ကယားပြည်နယ်)၌ ယနေ့ ဩဂုတ် ၃ရက်တွင် တိုက်ပွဲ ၄ကြိမ်ဖြစ်ပွားခဲ့ပြီး စစ်ကောင်စီတပ်မှ ၁၁ဦးသေဆုံးကာ ၂၀ဦးထက်မနည်း ဒဏ်ရာရရှိခဲ့သည်ဟု ကရင်နီအမျိုးသားကာကွယ်ရေးတပ်ဖွဲ့(KNDF)ကယနေ့ညပိုင်းတွင် သတင်းထုတ်ပြန်သည်။

ထိုးစစ်ဆင်လာသည့် အကြမ်းဖက်စစ်ကောင်စီတပ် နှင့် ယာဉ်တန်းကို ဘောလခဲမြို့နယ်နှင့် ဖရူဆိုမြို့နယ်များ၌ ကရင်နီအမျိုးသားတိုးတက်ရေးပါတီ(KNPP)နှင့် KNDF တို့မှ တိုက်ခိုက်ခဲ့ကြောင်း၊ စစ်ကောင်စီတပ်၏ ကား သုံးစီးမီးလောင်ပျက်စီးခဲ့ကြောင်း ထုတ်ပြန်ချက်၌ ဖော်ပြထားသည်။

ရှမ်းပြည်နယ်တောင်ပိုင်း ဖယ်ခုံမြို့တွင်လည်း အကြမ်း ဖက်စစ်ကောင်စီတပ်များ တပ်စွဲရာ မြို့တော်ခန်းမအတွင်း ဗုံးပေါက်ခွဲခဲ့ရာ စစ်ကောင်စီ လက်ပါးစေ ရဲနှစ်ဦးသေဆုံးခဲ့ကြောင်း KNDFက ဆိုသည်။

အကြမ်းဖက်စစ်ကောင်စီတပ်များသည် လွိုင်ကော်မြို့နယ်၊ ဒီးမော့ဆိုမြို့နယ်၊ ဖရူဆိုမြို့နယ်၊ ဘောလခဲမြို့နယ်၊ ဖားဆောင်းမြို့နယ်တို့တွင် ထိုးစစ်ဆင်လျက်ရှိကာ တပ်အင်အားများ ဖြည့်တင်းလျက်ရှိကြောင်း၊ ဒေသအချို့တွင် ပြည်သူများကို အကြမ်းဖက် ရိုက်နှက်ခြင်း၊ ခြိမ်းခြောက်ခြင်း၊ ပစ္စည်းများဖျက်ဆီးခြင်းနှင့် ငွေသားများ လုယူခြင်း စသည့် ရာဇဝတ်မှုများကို ကျူးလွန်လျက်ရှိကြောင်း KNDFက ဆိုသည်။

KNDF/KNPP(KA) တို့အနေဖြင့် ဒေသတွင်းသို့ ထိုးစစ်ဆင်လာသည့် အကြမ်းဖက်စစ်ကောင်စီတပ်များကို ဆက်လက်ရင်ဆိုင် တိုက်ခိုက်သွားမည်ဖြစ်ပြီး ပြည်သူများအနေဖြင့် လုံခြုံရေး သတိရှိကြရန် KNDFက အသိပေးထုတ်ပြန်သည်။

You May Also Like

သတင်း

ယမန်နေ့ (ဇန်နဝါရီ ၃၁ရက်) မွန်းလွဲပိုင်းက အရာတော်မြို့နယ်၊ သလဲဘာကျေးရွာရှိ မူးတံတားဂိတ် စောင့် စစ်ကောင်စီတပ်ဖွဲ့ဝင်များနှင့် စပါးတွင်းကျေးရွာမှ ပျူစောထီးများအား ဗုံးသီးချ တိုက်ခိုက်ခဲ့ခြင်း ဖြစ်သည်။

သတင်း

ယနေ့ရရှိသော အချက်အလက်များအရ ဧရာဝတီတိုင်းအစိုးရအဖွဲ့၏ လူမှုရေးဝန်ကြီး ဒေါက်တာလှမြတ်သွေးကို ပုသိမ်အကျဉ်းထောင်တွင်း အထူးတရားရုံးမှ ရာဇသတ်ကြီးဥပဒေပုဒ်မ ၅၀၅ (ခ)ဖြင့် ဇန်နဝါရီ ၃၀ ရက်တွင် ထောင်ဒဏ် (၂)နှစ် အမိန့်ချမှတ်ခဲ့ကြောင်း ဖော်ပြသည်။

သတင်း

ဇန်နဝါရီ ၂၉ ရက် မွန်းလွဲပိုင်းကလည်း မြင်းခြံမြို့နယ်၊ နဘူးအိုင်ရွာမှ ထွက်ခွာလာသော စစ်အုပ်စုလိုက်ပါလာသည့် ပါကျဲရိုးကားတစ်စီးအား မိုင်းဆွဲတိုက်ခိုက်ခဲ့ရာ ကားပေါ်ပါ စစ်ကောင်စီအုပ်စုထိခိုက်မှုများရှိနိုင်ကြောင်း ရွှေခြံသားပြောက်ကျားတပ်ဖွဲ့က သတင်းထုတ်ပြန်ထားသည်။

သတင်း

စစ်ကောင်စီဘက်မှ လစာ​ငွေများယူ​ဆောင်သွားခြင်းမှာ ဒေသခံကာကွယ်ရေးတပ်များလုပ်သည်ဟု သတင်းလွှင့်​နေ​ကြောင်း ​ဒေသခံများက​ပြောသည်။