Connect with us

Hi, what are you looking for?

LuduNwayOo

News

ဆေးပညာလောကမှာ မသိသူမရှိတဲ့ ဆရာကြီး နာဂသိန်းလှိုင် ကွယ်လွန်

ဆရာကြီးရဲ့ သားဖြစ်သူက လူမှုကွန်ရက်မှာ ” ကျနော့်၏ဖခင်ကြီး ဒေါက်တာနာဂသိန်းလှိုင်ယနေ့မနက်ကိုးနာရီဆယ်မိနစ်တွင်ဆုံးသွားပါပြီ” လို့ ရေးသားထားပါတယ်။

ဆရာကြီးရွှေဓားဗိုလ် ၊ နာဂသိန်းလှိုင်၊ နာဂနတ် စတဲ့နာမည်ပေါင်းစုံနဲ့ ထင်ရှားတဲ့ ဆရာကြီး ဒေါက်တာသိန်းလှိုင်ဟာ ဒီနေ့မနက်ပိုင်း က ကွယ်လွန်သွားတယ်လို့ သိရပါတယ်။

ဆရာကြီးရဲ့ သားဖြစ်သူက လူမှုကွန်ရက်မှာ ” ကျနော့်၏ဖခင်ကြီး ဒေါက်တာနာဂသိန်းလှိုင်ယနေ့မနက်ကိုးနာရီဆယ်မိနစ်တွင်ဆုံးသွားပါပြီ” လို့ ရေးသားထားပါတယ်။

“ဆရာဝန်က ဘာမှမတတ်ဘူးလေ။ လူနာက ဆရာဝန်ကို ပြန်သင်ပေးတာ။ ဆရာဝန်ဆိုတာ စာဖတ်ပြီး တတ်တာ။ လူနာဟာ ကျေးဇူးရှင်ပဲ။ လူနာက ကိုယ့်ကို အကုန်လုံးသင်ပေးသွားတာ။ ဘာဘွဲ့ပဲရရ မှတ်ဉာဏ်ကောင်းလို့ အလွတ်ဖြေပြီး ဘွဲ့ရလာတာ” လို့ ဆရာကြီး နာဂသိန်းလှိုင်က သူ့ရဲ့ လူနာတွေနဲ့ပတ်သက်တဲ့ ခံယူချက်ကို အင်တာဗျူးတစ်ခုမှာ ပြောဖူးပါတယ်။

ဆရာကြီးဟာ လည်ပင်ကြီးရောဂါသည်တွေကို ထုံဆေးနဲ့ ခွဲစိတ်ကုသပေးခဲ့တာဖြစ်ပြီး သူခွဲစိတ်ခဲ့တဲ့ လူနာပေါင်းဟာ ၂,၈၀၀ ကျော်ရှိတယ်လို့သိရပါတယ်။

နာဂ သိန်းလှိုင်ဆိုရင် ဆေးပညာလောကတစ်ခုလုံးမသိသူ မရှိသူတစ်ဦးဖြစ်ကာ နာဂတောင်တန်းဒေသမှာအခက်အခဲပေါင်းများစွာနဲ့ရင်ဆိုင်ခဲ့ပြီး ဒေသခံတိုင်းရင်းသားတွေကို သွားရောက်ကုသပေးခဲ့သူ စေတနာရှင် ဆရာဝန်ကြီးတစ်ဦးဖြစ်ပါတယ်။

ကွယ်လွန်ချိန်မှာတော့ အသက် ၈၈ နှစ် ရှိပြီလို့သိရပါတယ်။

You May Also Like

သတင်း

စစ်ကောင်စီအာဏာသိမ်းပြီးနောက် ပြည်သူ့လွှတ်တော်၊ တိုင်းဒေသကြီးနှင့် ပြည်နယ်လွှတ်တော် ၁၅ဦးထက်မနည်း အသက်ဆုံးရှုံးခဲ့ရပြီးယင်းအနက်အချို့မှာ စစ်ကောင်စီ၏ ဖမ်းဆီးခံရစဉ် သတ်ဖြတ်ခံရခြင်းဖြစ်သည်။

နိုင်ငံတကာ

ဒီဇင်ဘာ ၃၁ ရက် မနက်ပိုင်းမှာ ပုပ်ရဟန်းမင်းကြီးဟောင်း ကွယ်လွန်သွားတယ်ဆိုတဲ့ သတင်းကို လေးလံတဲ့ စိတ်နှလုံးနဲ့ အသိပေး ကြေညာလိုကြောင်း ဗာတီကန် နန်းတော် ပြန်ကြားရေးဌာန အကြီးအကဲ မက်တီယို ဘရူနီက ထုတ်ပြန်ပါတယ်။

နိုင်ငံတကာ

ပီလီဟာ နိုဝင်ဘာ လကုန်ပိုင်းက အသက်ရှူလမ်းကြောင်း ပိုးဝင်တဲ့ ဝေဒနာကြောင့် ဆာအိုပေါ်လိုမြို့က ဆေးရုံတစ်ခုကို တက်ရောက်ခဲ့ရပါတယ်။ နောက်တော့ သူအရင်က ဖြစ်ဖူးတဲ့ အူမကြီး ကင်ဆာရဲ့ ရှုပ်ထွေးတဲ့ နောက်ဆက်တွဲ ဆိုးကျိုးတွေကိုပါ ခံစားလာရပါတယ်။

သတင်း

ဦးမြင့်ကြည်သည် အသက်(၇၇)နှစ်အရွယ်ရှိပြီး စစ်ကိုင်းတိုင်းရှိ ၎င်း၏ နေအိမ်၌ ကွယ်လွန်​ခဲ့ခြင်းဟု ဒီချုပ်ပါတီဝင်တစ်ဦးက ပြောသည်။