အမေရိကန်နိုင်ငံဟာ မြန်မာပြည်သူများအတွက် လူသားချင်းစာနာမှုအရေးပေါ်အကူအညီအဖြစ် ဒေါ်လာသန်း ၅၀ကျော် ပေးအပ်မယ်လို့ အမေရိကန်သံအမတ်ကြီး Linda Thomas-Greenfield ရဲ့ ထိုင်းနိုင်ငံခရီးစဉ်အတွင်း ဒီနေ့ကြေညာလိုက်ပါတယ်။
ကုလသမဂ္ဂဆိုင်ရာ အမေရိကန်သံအမတ်ကြီးဟာ ထိုင်းနိုင်ငံသို့ တရားဝင်ခရီးစဉ်ရောက်ရှိနေပြီး မြန်မာနိုင်ငံမှာ အကြမ်းဖက်မှုနဲ့ ညှင်းပန်းနှိပ်စက်မှုကနေ ထွက်ပြေးတိမ်းရှောင်နေသူတွေအပါအဝင် မြန်မာပြည်သူတွေအတွက် ဒေါ်လာသန်း ၅၀ကျော် ကူညီထောက်ပံ့မယ်လို့ ကြေညာခဲ့တာပါ။
အဲဒီအကူအညီကို နိုင်ငံတကာနဲ့ အစိုးရမဟုတ်တဲ့ အဖွဲ့အစည်းတွေ၊ မိတ်ဖက်တွေကတစ်ဆင့် အရေးပေါ်အစားအစာ၊ အသက်ကယ်ဆယ်ရေးအကာအကွယ်၊ ယာယီတဲ၊ မရှိမဖြစ်ကျန်းမာရေး စောင့်ရှောက်မှု၊ ရေ၊ မိလ္လာနဲ့ ပတ်ဝန်းကျင်သန့်ရှင်းမှုတွေကို မြန်မာပြည်ကနေ ထွက်ပြေး တိမ်း ရှောင်သူတွေ၊ နိုင်ငံတစ်ဝန်း နေရပ်စွန့်ခွာသူတွေအပါအဝင် မြန်မာပြည်သူတွေကို ပေးအပ်မှာ ဖြစ်ပါတယ်။
ဒါ့အပြင် သံအမတ်ကြီး Thomas-Greenfield က ထိုင်းနိုင်ငံရဲ့ ကိုဗစ်-၁၉ တိုက်ဖျက်ရေးအကူ အညီအဖြစ် ဒေါ်လာ ၅ သန်း ပေးအပ်မယ်လို့ ကြေညာခဲ့ပါတယ်။
အမေရိကန်ပြည်သူတွေ ပေးအပ်တဲ့ အဲဒီအကူအညီတွေဟာ မြန်မာနဲ့ ထိုင်းနိုင်ငံရှိ ထိခိုက်လွယ် ဆုံး ပြည်သူတွေကို ကူညီဖို့ လူသားချင်းစာနာမှုမိတ်ဖက်တွေကို ပေးအပ်တာဖြစ်ပြီး မြန်မာပြည် သူ ၇ သိန်းကျော်ကို အကျိုးပြုမယ်လို့ ဆိုပါတယ်။
Public Service Announcement
အခြားသောအလှူရှင်တွေအနေနဲ့လည်း မြန်မာပြည်သူတွေလိုအပ်နေတဲ့ အရေးပေါ် လူသားချင်း စာနာမှုအကူအညီတွေကို ရက်ရောစွာပေးဖို့ အမေရိကန်က တိုက်တွန်းပါတယ်။
