PDF တွေက ကရင်အာဇာနည်များနှင့်အတူ ၄၄ လမ်းမှသူရဲ​ကောင်းများကိုပါ လွမ်းသူပန်း​ခွေချ၊ဂုဏ်ပြုအ​လေးပြု

ယနေ့ကျရောက်တဲ့ (၇၁) နှစ်မြောက်ကရင်အမျိုးသားအာဇာနည်နေ့မှာ ကျဆုံးလေပြီးတဲ့ ကရင်အာဇာနည်​တွေ ၊အာဏာသိမ်းစစ်​ကောင်စီကို ဆန့်ကျင်​​တော်လှန်ရင်းကျဆုံးခဲ့တဲ့သူရဲကောင်း​တွေကို ပြည်သူ့ကာကွယ်​ရေးအဖွဲ့ (PDF)တပ်ဖွဲ့ဝင်​တွေက လွမ်းသူပန်းခွေချကာ အလေး ပြုဂုဏ်ပြုတာမှာ ၊စစ်​ကောင်စီတပ်ကိုအဖမ်းမခံဘဲ ၄၄ လမ်းတိုက်​ပေါ်က အလွတ်ခုန်ချကျဆုံးခဲ့တဲ့ အာဇာနည်​တွေကိုလည်းလွမ်းသူပန်း​ခွေချ ဂုဏ်ပြုအ​လေးပြုခဲ့ပါတယ်။

PDF တပ်ဖွဲ့ဝင်​တွေက “ငါတို့၏ အရိုးနှင့်အသွေးအသားတို့သည် အာဏာရှင်ကျဆုံးဖို့သာ ဖြစ်ရမည်။” လို့လည်း​ရေးသားကတိ့ပြုခဲ့ကြပါတယ်။၄၄ လမ်းမှာအာဏာသိမ်းစစ်​ကောင်စီတပ်ဖွဲ့ဝင်​တွေရဲ့ဖမ်းဆီးခြင်းကို မခံဘဲ တိုက်​ပေါ်က အလွတ် ၅ ဦးခုန်ချပြီး ​တစ်ဦး​သေနတ်နဲ့ပစ်ချ ခံရာမှာ ၂ ဦး​သေဆုံ ၊၃ ဦးဒဏ်ရာရတယ်လို့စစ်​ကောင်စီက ထုတ်ပြန်​ပေမယ့် မိသားစုဝင်အချို့က​တော့ ၆ ဦးလုံး​သေဆုံးတယ်လို့ မီဒီယာအချို့ကို ​ပြောထားပါတယ်။

စစ်​ကောင်စီထုတ်ပြန်တဲ့အထဲမှာ ​သေနတ်နဲ့ပစ်ချခဲ့တဲ့ ကို​ကောင်းမင်းသန့် အ​ကြောင်းမပါဝင်​​ပေ။