Connect with us

Hi, what are you looking for?

LuduNwayOo

News

မန္တ​လေးတိုင်းတွင်မိနစ် ၃၀ အတွင်း စစ်​ကောင်စီခန့် အုပ်ကြီး နှစ်ဦး အသတ်ခံရ

န္တလေးနှင့်တောင်သာမြို့နှစ်မြို့ရှိ စစ်ကောင်စီခန့်အုပ်ချုပ်ရေးမှူးနှစ်ဦးကို ယနေ့သြဂုတ်လ ၁၈ ရက်နေ့တွင် သတ်ဖြတ်ခံလိုက်ရခြင်းဖြစ်သည်။

မန္တလေးတိုင်း၌ မိနစ်သုံးဆယ်အတွင်း အာဏာသိမ်းစစ်ကောင်စီခန့်အုပ်ချုပ်ရေးမှူး နှစ်ဦး လုပ်ကြံသတ်ဖြတ်ခံလိုက်ရကြောင်း နယ်ခံများက ပြောသည်။

မန္တလေးနှင့်တောင်သာမြို့နှစ်မြို့ရှိ စစ်ကောင်စီခန့်အုပ်ချုပ်ရေးမှူးနှစ်ဦးကို ယနေ့သြဂုတ်လ ၁၈ ရက်နေ့တွင် သတ်ဖြတ်ခံလိုက်ရခြင်းဖြစ်သည်။

ကိုဗစ်ကူးစက်မှု​လျော့ကျ​လာမှ အာဏာသိမ်းစစ်​ကောင်စီက ကိုဗစ်အ​ကြောင်းပြ ၍ ပြည်သူများအပြင်ထွက်သွားလာမှုကိုတင်းကျပ်​နေ​သော မန္တလေးမြို့ ၊ချမ်းအေးသာစံမြို့နယ်၊ ပတ်ကုန်းဝန်းကျင်ရပ်ကွက်အုပ်ချုပ်ရေးမှူး ဦးအောင်ဆွေထွန်းကို ၎င်းရုံးရှိရာ ၇၂လမ်း နှင့် ၇၃ လမ်းကြား၊ ၂၈လမ်းနှင့် ၂၉ လမ်းကြား၌ နံနက် ၁၁ နာရီဝန်းကျင်က လူနှစ်ဦးက လာရောက်ပစ်သတ်သွားခြင်းဖြစ်ကြောင်း မြို့ခံများက ပြောသည်။

မန္တလေးက အုပ်ချုပ်ရေးမှူး သေဆုံးပြီး နာရီဝက်ခန့်အကြာ နံနက် ၁၁ နာရီ ၃၀ မိနစ်ခန့်တွင် မန္တလေးတိုင်း၊ တောင်သာမြို့နယ်၊ ညောင်ကန်ရွာက စစ်ကောင်စီခန့် အုပ်ချုပ်ရေးမှူး အမျိုးသားတစ်ဦး သေနတ်ဖြင့် ပစ်သတ်ခံခဲ့ရကြောင်း နယ်ခံများက ပြောသည်။

ညောင်ကန်ရွာ အုပ်ချုပ်ရေးမှူး ဦးထွန်းဝင်းအား MGM TIGER အဖွဲ့ နှင့် နှလုံးလှလူမိုက်ကြီးများ အဖွဲ့ ပူးပေါင်း၍ ဦးခေါင်း နှစ်ချက် ရင်ဘက် တစ် ချက်ပစ်၍ ဆုံးမခဲ့သည်ဟု အဆိုပါအဖွဲ့က သတင်းထုတ်ပြန်သည်။

ယခင်ရက်ပိုင်းအတွင်းကလည်း မြင်းခြံနှင့်မြောင်မြို့နယ်ရှိ အုပ်ချုပ်ရေးမှုးအချို့ လုပ်ကြံသတ်ဖြတ်ခြင်းခံခဲ့ရသည်။

You May Also Like

သတင်း

ယမန်နေ့ (ဇန်နဝါရီ ၃၁ရက်) မွန်းလွဲပိုင်းက အရာတော်မြို့နယ်၊ သလဲဘာကျေးရွာရှိ မူးတံတားဂိတ် စောင့် စစ်ကောင်စီတပ်ဖွဲ့ဝင်များနှင့် စပါးတွင်းကျေးရွာမှ ပျူစောထီးများအား ဗုံးသီးချ တိုက်ခိုက်ခဲ့ခြင်း ဖြစ်သည်။

သတင်း

ယနေ့ရရှိသော အချက်အလက်များအရ ဧရာဝတီတိုင်းအစိုးရအဖွဲ့၏ လူမှုရေးဝန်ကြီး ဒေါက်တာလှမြတ်သွေးကို ပုသိမ်အကျဉ်းထောင်တွင်း အထူးတရားရုံးမှ ရာဇသတ်ကြီးဥပဒေပုဒ်မ ၅၀၅ (ခ)ဖြင့် ဇန်နဝါရီ ၃၀ ရက်တွင် ထောင်ဒဏ် (၂)နှစ် အမိန့်ချမှတ်ခဲ့ကြောင်း ဖော်ပြသည်။

သတင်း

ဇန်နဝါရီ ၂၉ ရက် မွန်းလွဲပိုင်းကလည်း မြင်းခြံမြို့နယ်၊ နဘူးအိုင်ရွာမှ ထွက်ခွာလာသော စစ်အုပ်စုလိုက်ပါလာသည့် ပါကျဲရိုးကားတစ်စီးအား မိုင်းဆွဲတိုက်ခိုက်ခဲ့ရာ ကားပေါ်ပါ စစ်ကောင်စီအုပ်စုထိခိုက်မှုများရှိနိုင်ကြောင်း ရွှေခြံသားပြောက်ကျားတပ်ဖွဲ့က သတင်းထုတ်ပြန်ထားသည်။

သတင်း

စစ်ကောင်စီဘက်မှ လစာ​ငွေများယူ​ဆောင်သွားခြင်းမှာ ဒေသခံကာကွယ်ရေးတပ်များလုပ်သည်ဟု သတင်းလွှင့်​နေ​ကြောင်း ​ဒေသခံများက​ပြောသည်။