Connect with us

Hi, what are you looking for?

LuduNwayOo

News

တိုက်ပွဲများတွင် စစ်ကောင်စီတပ်က အရပ်သားများကို လမ်းပြ၊ ဓားစာခံလူသားဒိုင်းအဖြစ်အသုံးပြုနေဟု KNDF ထုတ်ပြန်

တိုက်ပွဲများကြောင့် အနီးတစ်၀ိုက်ရှိ ကျေးရွာများမှ ပြည်သူများ စစ်ဘေးတိမ်းရှောင်နေကြရသည်ဟု ဆိုသည်။

အကြမ်းဖက်စစ်ကောင်စီတပ်များအနေဖြင့် တိုက်ပွဲဖြစ်ပွားရာဒေသများရှိ ပြည်သူများကို ဖမ်းဆီးခေါ်ဆောင်ကာ လမ်းပြ၊ ဓားစာခံ၊ လူသားဒိုင်းအဖြစ် အသုံး ပြုနေကြောင်း ကရင်နီအမျိုးသားကာကွယ်ရေးတပ်ဖွဲ့ (KNDF)က ယနေ့ထုတ်ပြန်သည်။

ရှမ်းပြည်နယ်တောင်ပိုင်း ဖယ်ခုံမြို့နယ်နှင့် ပင်လောင်းမြို့နယ်အကြားသို့ စစ်ကြောင်းချီလာသည့် စစ်ကောင်စီနှင့် ပအိုဝ်းပြည်သူ့စစ်အဖွဲ့(PNO) တို့ကို KNDFနှင့် ၎င်း၏ မဟာမိတ်တပ်များ ပူးပေါင်းပြီး ခုခံတိုက်ခိုက်ခဲ့၍ ဩဂုတ် ၁၄ရက်နှင့် ၁၅ရက်များတွင် တိုက်ပွဲများ ပြင်းထန်ခဲ့သည်။

အကြမ်းဖက်စစ်ကောင်စီတပ်များနှင့် PNO တပ်များ သည် စစ်‌ကြောင်းနှစ်ကြောင်းဖြင့် ပင်လောင်းမြို့နယ်မှ ဖယ်ခုံမြို့နယ်ဖက်သို့ စစ်ကြောင်ထိုးလျက်ရှိရာ ဖယ်ခုံမြို့နယ်၊ ခေါင်းအိဘက်သို့ ချီလာသောစစ်ကြောင်းနှင့် ပင်လောင်းမြို့နယ်၊ ပင်ပုံ၊ လယ်ဟွဲ ကျေးရွာဖက်မှ စစ်ကြောင်း တို့ဖြစ်ကြောင်း၊ ယနေ့ ဩဂုတ် ၁၈ရက်တွင် ခေါင်းအိကျေးရွာဘက်သို့ စစ်ကောင်စီတပ်များမှ လက်နက်ကြီးများဖြင့် အဆက်မပြတ် တဖက်သတ်ပစ်ခတ်ခဲ့ကြောင်း KNDFက ဆိုသည်။

ထို့ပြင် အကြမ်းဖက် စစ်ကောင်စီတပ်များသည် လွယ်လုံရွာနေပြည်သူ (၅) ဉီးနှင့်၊ စက်တော်ရွာနေ ပြည်သူ (၅) ဉီးကို ဖမ်းဆီးခေါ်ဆောင်သွားပြီး လမ်းပြသူများအဖြစ် လည်းကောင်း၊ဓါးစာခံ လူသားဒိုင်အဖြစ်လည်းကောင်း အသုံးပြုလျက်ရှိသည်ဟု ထုတ်ပြန်ချက်၌ ဖော်ပြထားသည်။

ရက်ပိုင်းအတွင်းကလည်း ပင်ပုံကျေးရွာအနီးတွင် အင်အား (၃၀၀)ကျော်ဖြင့် တပ်စွဲထားသည့် စစ်ကောင်စီနှင့် PNO တပ်တို့သည် ပင်ပုံကျေးရွာဘုန်းကြီးကျောင်းမှ အမြောက်ဒုံးများဖြင့် ဆက်တိုက်ပစ်ခိုက်သဖြင့် လယ်ဟွဲကျေးရွာ အတွင်းရှိနေအိမ်များ လက်နက်ကြီးထိမှန်ပျက်စီးခဲ့ကြောင်း ထုတ်ပြန်ခဲ့သည်။

တိုက်ပွဲများကြောင့် အနီးတစ်၀ိုက်ရှိ ကျေးရွာများမှ ပြည်သူများ စစ်ဘေးတိမ်းရှောင်နေကြရသည်ဟု ဆိုသည်။

စစ်ကောင်စီတပ်များနှင့် PNOတပ်များကို ခုခံတိုက်ခိုက်ရာတွင် လူမျိုးရေး၊ နယ်မြေစိုးမိုးရေးအတွက် တိုက်ခိုက်ခြင်းမဟုတ်ဘဲ မြန်မာနိုင်ငံအတွင်း စစ်အာဏာရှင်နှင့် အာဏာရှင်စနစ်မှန်သမျှ ကျဆုံးရေး၊ ဖက်ဒရယ်ဒီမိုကရေစီစနစ် ပေါ်ပေါက်ရေးအတွက် နယ်စည်းမခြား တိုက်ပွဲဝင်နေခြင်းဖြစ်ကြောင်း KNDFက ထုတ်ပြန် သည်။

ထိုသို့တိုက်ပွဲဝင်ရာတွင် ဖယ်ခုံ၊ ဒီးမော့ဆိုနှင့် မိုးဗြဲ ပြည်သူ့ကာကွယ်ရေး တပ်(PDF)များနှင့် ကရင်နီတပ်မတော် (KA) နှင့် KNDF တပ်များ အတူတကွ ပူးပေါင်းဆောင်ရွက်ခဲ့ခြင်းဖြစ်သည်။

You May Also Like

သတင်း

အဆိုပါ တိုက်ပွဲများအတွင်း စစ်ကောင်စီတပ်မှ သေဆုံးထိခိုက်များပြားခဲ့ပြီး မောင်းပြန် သေနတ် ၂လက် သိမ်းဆည်းရမိခဲ့သည်ဟု အသိပေးထားသည်။

သတင်း

ယခင်ကလည်း ဖယ်ခုံမြို့နယ်အတွင်းရှိ လျှပ်စစ် တာဝါတိုင်များကို ကာကွယ်ရေးတပ်ဖွဲ့ဝင်များက ယခုကဲ့သို့ တိုက်ခိုက်ဖျက်ဆီးမှုအချို့ရှိခဲ့သည်။

သတင်း

ဒီလိုစာရင်းကောက်တာ ကို ရက်ပေါင်း ၂၀ အတွင်း ကောက်ယူခဲ့တာဖြစ်ပြီး ရခိုင်ပြည်နယ်မှာ ၉၉ ရာခိုင်ကျော်ကောက်ယူပြီးစီးခဲ့တယ်လို့ စစ်ကောင်စီလဝက ဝန်ကြီးကဆိုပါတယ်။

သတင်း

ဖေဖော်ဝါရီ ၅ရက်က တန့်ဆည်မြို့ ဘောလုံးကွင်းမှ ထွက်လာသော (၃၆၁၊ ၃၆၇)တပ်တို့မှ စစ်ကောင်စီတပ်သားနှင့် ပျူစောထီးများသည် သပြေရင်းကျေးရွာ တစ်ညအိပ်တပ်စွဲခဲ့သည်။