မြန်မာ့လက်ရွေးစင်ဂိုးသမား ပြည့်လျှံအောင်သည် ယနေ့ (သြဂုတ်၂၀ရက်)တွင် ဂျပန်နိုင်ငံအိုဆာကာမြို့ လူဝင်မှု ကြီးကြပ်ရေးဌာနမှ ဒုက္ခသည်အဖြစ် ခိုလှုံခွင့် အသိ အမှတ်ပြုလက်မှတ်ရခဲ့ပြီဖြစ်ကြောင်း ၎င်းအား ကူညီပေးနေသည့် မြန်မာအသိုင်းအဝိုင်းက ပြောသည်။
ပြည့်လျှံအောင်သည် ဒုက္ခသည်ခိုလှုံခွင့်ကို ဇွန်လ ၁၆ရက်ကတည်းက လျှောက်ထားခဲ့ခြင်းဖြစ်ပြီး ၂လအကြာတွင် တရားဝင်ရရှိခဲ့ခြင်း ဖြစ်သည်။
ဂိုးသမားပြည့်လျှံအောင်သည် မေလ ၂၈ ရက်က ဂျပန်အသင်းနဲ့ ကမ္ဘာ့ဖလားခြေစစ်ပွဲကစားမည့် ပွဲမစခင်တွင် လက်သုံးချောင်းထောင်ကာ၊ စစ်အာဏာရှင် စနစ်ကို ဆန့်ကျင်ကြောင်း ပြသခဲ့သူ ဖြစ်သည်။
ဂျပန်နိုင်ငံတွင် မြန်မာဘောလုံးသမားကို ယခုကဲ့သို့ ဒုက္ခသည် ခိုလှုံခွင့်ပေးခြင်းသည် ပထမဆုံး ဖြစ်ရပ်ပင် ဖြစ်သည်။