Connect with us

Hi, what are you looking for?

LuduNwayOo

News

ပြည်သူနှင့်ပူးပေါင်းသည့်တပ်မတော်သားများကိုလုံခြုံရေးအာမခံပြီးဆုငွေချီးမြှင့်မည်ဟု KNDFထုတ်ပြန်

မြန်မာပြည်တွင်းစစ်သမိုင်း တလျှောက်တွင် ဗိုလ်ချုပ်များနှင့် စစ်အုပ်စုများသည် ၎င်းတို့၏ အကျိုးစီးပွားကို ကာကွယ်ရန်အတွက် အောက်ခြေ တပ်မတော်သားများ၏ အသက်၊သွေး၊ ချွေးများကို ဖြုန်းတီးနေကြောင်း ထုတ်ပြန်ချက်၌ ဖော်ပြသည်။

ပြည်သူလူထုနှင့် လာရောက်ပူးပေါင်းသော ပြည်သူ့ဘက် တော်သား တပ်မတော်သားများကို လှိုက်လှဲစွာ ကြိုဆိုပြီး ထိုတပ်မတော်သားများ၏ လုံခြုံရေးကို အထူးအာမခံ ပေးမည့်အပြင် ပြည်သူများမှ ပံ့ပိုးထားသော ဆုငွေများ ချီးမြှင့်မည်ဖြစ်ကြောင်း ကရင်နီအမျိုးသားကာကွယ်ရေးတပ်ဖွဲ့(KNDF)က ယနေ့ထုတ်ပြန်သည်။

မြန်မာပြည်တွင်းစစ်သမိုင်း တလျှောက်တွင် ဗိုလ်ချုပ်များနှင့် စစ်အုပ်စုများသည် ၎င်းတို့၏ အကျိုးစီးပွားကို ကာကွယ်ရန်အတွက် အောက်ခြေ တပ်မတော်သားများ၏ အသက်၊သွေး၊ ချွေးများကို ဖြုန်းတီးနေကြောင်း ထုတ်ပြန်ချက်၌ ဖော်ပြသည်။

ထို့ကြောင့် ပြည်သူ့ဘက်တော်သား တပ်မတော်သားများ အနေဖြင့် ပြည်သူလူထု ကို အကြမ်းဖက် သတ်ဖြတ် နေသော စစ်ကောင်စီတပ်တွင် ဆက်လက်တာဝန် မထမ်းဆောင်တော့ဘဲ ပြည်သူလူထုနှင့် အတူ လာရောက်ပူးပေါင်းပြီး စစ်အာဏာရှင်စနစ်ကို အမြစ်ပြတ်သည်အထိ အတူတွန်းလှန်ရန် ဖိတ်ခေါ်ကြောင်း၊ ပြည်သူများနှင့် လာရောက်ပူးပေါင်းပါဝင်ရန် ပြည်သူ့ဘက်တော်သား တပ်မတော်သားများကို တိုက်တွန်းပန်ကြားကြောင်း KNDFက ထုတ်ပြန်သည်။

KNDFသည် စစ်တပ်အာဏာသိမ်းပြီးနောက် ပေါ်ပေါက်လာသည့် ကရင်နီလက်နက်ကိုင်အဖွဲ့ဖြစ်သည်။ ကရင်နီဒေသရှိ ပြည်သူ့ကာကွယ်ရေးတပ်ဖွဲ့များဖြင့် စုပေါင်းဖွဲ့စည်းထားပြီး ကရင်နီတိုင်းရင်းသား လက်နက်ကိုင်အဖွဲ့(KNPP/KA)နှင့်အတူ လက်တွဲကာ စစ်ကောင်စီကို ခုခံတိုက်ခိုက်လျက်ရှိသည်။

မေလမှစ၍ ကရင်နီ(ကယား)ဒေသ၌ တိုက်ပွဲများ မကြာ ခဏ ဖြစ်ပွားခဲ့ရာ တိုက်ပွဲများအတွင်း စစ် ကောင်စီအောက်ခြေ တပ်မတော်သားများ၏ ထိခုက်ဒဏ်ရာရမှု အသက်သေဆုံးများရှိခဲ့သည်။ ယင်းသို့ သေဆုံးထိခိုက်မှုများသည် မလိုလားအပ်သော ပေဆပ်ဆုံးရှုံးမှုများ ဖြစ်ကြောင်း KNDFက ဆိုသည်။

Public Service Announcement

Public Service Announcement