မကွေးတိုင်း ဂန့်ဂေါမြို့နယ် နှမ်းခါးရွာတွင် အကြမ်း ဖက်စစ်ကောင်စီတပ်သားများ၏ အကြမ်းဖက်ရိုက်နှက်မှု့ကြောင့် အသက်(၇၂) နှစ်အရွယ် အဘိုးအိုတစ်ဦး သေဆုံးသွားကြောင်း ဂန့်ဂေါနယ်ခံများက ပြော သည်။
သြဂုတ် ၁၈ ရက်က နှမ်းခါးရွာသို့ အကြမ်းဖက်စစ်ကောင်စီတပ်များ ရောက်ရှိလာပြီး ကျေးရွာပြည်သူ လူထုပိုင်ပစ္စည်းများအား အဓမ္မယူဆောင်ခြင်း၊ ဖျက်ဆီးခြင်းများ ပြုလုပ်နေ၍ ရွာသူရွာသားများ တိမ်းရှောင်ခဲ့ရာ နှမိးခါးတွင်နေထိုင်သည့် အသက် ၇၂ နှစ်အရွယ် ဦးကံထောက်မှာ အသက်ကြီး၍ ထွက်မပြေးနိုင်သောကြောင့် ရွာတင်နေရစ်ခဲ့ရကြောင်း၊ စစ်ကောင်စီတပ်သားများက ဦးကံထောက်အား ရိုက်နှက်ခဲ့ရာ မျက်နှာ၊ နံရိုး၊ လက်မောင်းနှင့် ခြေထောက်တို့ ပြင်းထန်စွာ ဒဏ်ရာရရှိခဲ့ကြောင်း ရွာခံများက ပြောသည်။
ဦးကံထောက်သည် ထိုဒဏ်ရာများဖြင့် ယနေ့ (သြဂုတ် ၂၁ ရက်)နံနက် ၇ နာရီခန့်တွင် ဆုံးပါးသွားကြောင်း ဒေသခံတစ်ဦးကပြောသည်။
နှမ်းခါးရွာကို စစ်ကောင်စီတပ်သားများဝင်ရောက် လာသည့် သြဂုတ်၁၈ ရက်က နှမ်းခါးရွာအနီး ဂန့်ဂေါလမ်းတွင် စစ်ကောင်စီတပ်ကားများ မိုင်းခွဲတိုက်ခိုက်ခံခဲ့ရပြီး တပ်သားများထိခိုက်သေဆုံးမူများလည်း ရှိခဲ့သည်။
Public Service Announcement
