ရဲတပ်ဖွဲ့ဝင်တွေအပါအဝင် မိသားစုဝင်တွေအနေနဲ့ Online Shopကနေ ပစ္စည်းမှာယူတာမလုပ်ကြဖို့ တပ်တွင်းညွှန်ကြားစာတစ်စောင် လူမှုကွန်ရက်မှာ ပြန့်နှံ့နေပါတယ်။
စာပါအကြောင်းအရာအရ သြဂုတ် ၁၉ ရက်က ဒဂုံမြို့သစ်(ဆိပ်ကမ်း) ၉၁ ရပ်ကွက်မှာနေထိုင်တဲ့ ဒေါ်သီတာမောင်မောင်ထံ အမျိုးသမီးသုံးပစ္စည်းတွေမှာယူထားတာကြောင့် ပစ္စည်းပို့ရန် တယ်လီဖုန်းကတစ်ဆင့် အိမ်လိပ် စာတောင်းခဲ့တယ်လို့ ဆိုပါတယ်။
အိမ်လိပ်စာအတိုင်း ပစ္စည်းလာပို့ချိန် အိမ်ပြင်ထွက်ပြီး ပါဆယ်သွားယူရာမှာ ဒေါ်သီတာမောင်မောင်ဟာ သေနတ်နံပစ်သတ်ခံခဲ့ရတာလို့ ညွှန်ကြားစာမှာ ဖော်ပြပါတယ်။
ဒါကြောင့် ရဲတပ်ဖွဲ့ဝင်တွေအပါအဝင် ၎င်းတို့ရဲ့ မိသားစုဝင်တွေအနေနဲ့ Online Shop တွေကနေ ပစ္စည်းမှာယူတာမလုပ်ဖို့နဲ့ Deilivery သမားတွေဆီက ပစ္စည်းလာပို့ဖို့ အိမ်လိပ်စာတောင်းရင် မပေးကြဖို့ သတိပေးထားပါတယ်။
ပစ္စည်းပါဆယ်လာပို့ရင်း သေနတ်နဲ့ပစ်သတ်ခံရတဲ့ ဒဂုံမြို့သစ်(ဆိပ်ကမ်း)က ဒေါ်သီသီတာမောင်မောင်ဟာ အမှတ်(၈၈)ခြေမြန်တပ်မဌာနချုပ် ဆက်သွယ်ရေးတပ်ခွဲမှ ဗိုလ်ကြီးအောင်စိုးရဲ့ ယောက္ခမတော်စပ်သူ ဖြစ်ပါတယ်။