ပြည်သူ့စစ်သားများမှ ပြည်သူသို့ တောင်းပန်

အာဏာသိမ်းစစ်​ကောင်စီ​အောက်တွင် တာဝန်မထမ်း​​ဆောင်​တော့ဘဲ အကြမ်းမဖက်အာဏာဖီဆန်မှုတွင်ပါဝင်လာ​သော( CDM ပြုလုပ်​သော) ၊ပြည်သူ့ရင်ခွင်ခုံလှုံလာသည့် တပ်မ​တော်သားများက ပထမဆုံးအကြိမ် ​ပြည်သူများသို့​ ယ​နေ့တောင်ပန်​လိုက်သည်။

CDM တပ်မ​တော်သားများကို ကူညီ​ပေး​နေ​သော ​ဖေ့စ်ဘွတ်ခ်စာမျက်နှာဖြစ်ပြီး CDM တပ်မ​တော်သားမျာဦး​ဆောင်ပြု ​နေ​သော ပြည်သူ့ရင်ခွင် (People’s Soldier) ​ဖေစ်ဘွခ်စာမျက်နှာက “စစ်တပ်ကို စွန့်ခွါပြီး ပြည်သူ့ဘက်ရက်တည်ခဲ့သူ တပ်မတော်သားများသည် တာဝန်ယူစိတ်ရှိရှိဖြင့် တစ်ဦးချင်းတောင်းပန်ခဲ့ပြီး ဖြစ်ပါလိမ့်မည်။ သို့သော်လည်း ပိုမိုလေးနက်စွာ တောင်းပန်လိုသောကြောင့် ပြည်သူ့စစ်သားအများစုဖြင့် ဖွဲ့စည်းထားသော ပြည်သူ့စစ်သားများအဖွဲ့အနေဖြင့် ထပ်မံတောင်းပန်လိုပါသည်။

ကျွန်တော်တို့သည် အဖွဲ့အစည်းရဲ့ကောင်းမွေ ၊ ဆိုးမွေများ အားလုံးကို တာဝန်သိစိတ်ဖြင့် တာဝန်ယူရမည်ဟု နားလည်လက်ခံထားပါသည်။ မိမိကိုယ်တိုင် မကျုးလွန်သော်လည်း အဖွဲ့ဝင်များမှ ကျုးလွန်မှုများသည် အဖွဲ့ဝင်တိုင်းနှင့် သွယ်ဝိုက်သက်ဆိုင်ပါသည်။

တပ်မတော်သားကောင်းဖြစ်လိုသူများသည် ပြည်သူကို အနိုင်ကျင့်ကြမည်မဟုတ်ပါ။ အနိုင်ကျင့်သူများသည် ” တပ်မတော်သား”များ မဟုတ်ကြောင်း သိစေလိုပါသည်။

Public Service Announcement

ထိုသူများသည် တပ်မတော်သားဟူသော ဂုဏ်ပုဒ်နှင့်မထိုက်တန်ပါ။ထို့ကြောင့် ပြည်သူ့စစ်သားများအနေဖြင့် ” စစ်တပ်မှ ပြည်သူလူထုအပေါ်ကျုးလွန်ခဲ့သည်များကို လေးနက်စွာ တောင်းပန်အပ်ပါသည် “ဟု ​ဖော်ပြထားသည်။

ယခုအခါအကြမ်းမဖက် အာဏာဖီဆန်ရေးလှုပ်ရှားမှု (CDM) ထဲပါဝင်လာသော စစ်သား (၁၅၀၀) ကျော်ရှိ​နေပြီး ထပ်မံ၍ ၅၀၀ ခန့် CDM ဝင်ရန်ဆက်သွယ်လာ​ကြောင်း ဗိုလ်ကြီးလင်းထက်​အောင်က​ မီဒီယာများသို့ပြောသည်။ထိုအပြင် CDM လုပ်ရန်တပ်တွင်းမှာထွက်လာရန် လက်ရှိတွင်အခက်အခဲရှိ​​နေ​သေး​သော်လည်း တပ်တွင်းမှ သတင်းများ​ပေး၍ ကူညီ​ပေး​နေသူများစွာရှိ​နေ​ကြောင်းလည်းသိရသည်။

အမျိုးသားညီညွတ်​ရေးအစိုးရ (NUG)ကလည် စစ်သားနှင့်ရဲများကိုစစ်အာဏာရှင်အမိန့်ကို မနာခံဘဲ ပြည်သူရင်ခွင်ခိုလှုံပါက ရာထူး ၊လစာ ၊ပင်ရင် ၊လုံခြုံ​ရေး ၊ မိသားစုရပ်တည်​ရေး တို့အတွက်တာဝန်ယူ​ကြောင်း သြဂုတ်တတိယပတ်တွင်ဖိတ်​ခေါ်ထားသည်။ထိုအပြင် ဖက်ဒရယ်တပ်မ​တော်တွင်ဆက်လက်တာဝန်ထမ်း​ဆောင်လိုပါကလည်း ထမ်း​ဆောင်ခွင့်ပြုမည်ဟုဖိတိ​ခေါ်ထားသည်။