Connect with us

Hi, what are you looking for?

LuduNwayOo

News

ကိုဗစ်-၁၉ မျိုးကွဲ Delta ပိုးတွေ့သူ၁၅ဦး တွေ့ရှိတယ်လို့ စစ်ကောင်စီရဲ့ ကျန်းမာရေးဝန်ကြီးဌာနဆို

မြန်မာနိုင်ငံမှာ ကိုဗစ်-၁၉ မျိုးရိုးဗီဇပြောင်းလဲတဲ့ ပိုးတွေ့ရှိသူ ၁၅ ဦး တွေ့ရှိရတယ်လို့ အကြမ်းဖက်စစ်ကောင်စီလက်အောက်ခံ ကျန်းမာရေးဝန်ကြီးဌာနက ထုတ်ပြန်ပါတယ်။

ကိုဗစ်-၁၉ မျိုးရိုးဗီဇပြောင်းလဲတဲ့ပိုးတွေ့ရှိသူ ၁၅ ဦးဟာ နေပြည်တော်က ၅ ဦး၊ ရန်ကုန်နဲ့ မန္တလေးတို့က ၂ ဦးစီနဲ့ စစ်တွေ၊ တောင်ငူ၊ လားရှိုး၊ မော်လမြိုင်၊ မုံရွာနဲ့ ကလေးမြို့တွေက ၁ ဦးစီတို့ ဖြစ်တယ်လို့ ထုတ်ပြန်ချက်မှာဖော်ပြပါတယ်။

အဲဒီ ၁၅ ဦးမှာ တွေ့ရတဲ့ ကိုဗစ်-၁၉ မျိုးကွဲဟာ Delta မျိုးစိတ်ဖြစ်တယ်လို့ ဆိုထားပြီး အဲဒီမျိုးစိတ်ဟာ ပြီးခဲ့တဲ့ဒီဇင်ဘာကတည်းက မြန်မာနိုင်ငံနဲ့ နယ်နမိတ်ချင်းထိစပ်နေတဲ့ အိန္ဒိယနိုင်ငံမှာ စတင်တွေ့ရှိခဲ့တဲ့ မျိုးစိတ်ဖြစ်ပါတယ်။

Delta မျိုးစိတ်ဟာ ရောဂါကူးစက်နိုင်မှုနဲ့ ရောဂါပြင်းထန်မှု မြင့်မားတာကြောင့် သေဆုံးနိုင်ခြေ မြင့်တက်လာနိုင်ကြောင်း သုံးသပ်ထားတယ်လို့ စစ်ကောင်စီရဲ့ ကျန်းမာရေးဝန်ကြီးဌာနက ထုတ်ပြန်ပါတယ်။

Public Service Announcement

Public Service Announcement

မြန်မာနိုင်ငံမှာ အကြမ်းဖက်စစ်ကောင်စီရဲ့ စီမံခန့်ခွဲမှုညံ့ဖျင်းမှုကြောင့် ပြီးခဲ့တဲ့ ဇူလိုင်နဲ့ ဩဂုတ် လဆန်းပိုင်းမှာ ကိုဗစ်-၁၉ ကူးစက်မှု လွန်စွာမြင့်တက်ခဲ့ပြီး လူပေါင်းများစွာလည်း သေဆုံးခဲ့ရ ပါတယ်။ အဲဒီအချိန်ကတည်းက Delta မျိုးကွဲဟာ မြန်မာနိုင်ငံမှာ ရောက်ရှိပြန့်ပွားနေပြီလို့ ယုံကြည်သူတွေလည်းရှိနေပါတယ်။

Public Service Announcement

အဲဒီလိုရောဂါကူးစက်မှုနဲ့ သေဆုံးမှု တစ်ရှိန်တိုးမြင့်တက်နေတုန်းက အာဏာလုယူထားတဲ့ စစ်ကောင်စီဟာ သတင်းထိန်ချန်ပြီး ထုတ်ပြန်ခဲ့သလို သတင်းအမှားတွေလည်း ထုတ်ပြန်ခဲ့တယ်လို့ ပြည်သူတွေက မှတ်ယူခဲ့ကြပါတယ်။

ကိုဗစ်-၁၉ ကူးစက်မှုနဲ့ပတ်သက်ပြီး အကြမ်းဖက်စစ်ကောင်စီဟာ အများပြည်သူရုံးပိတ်ရက်တွေ သက်တမ်းထပ်ခါထပ်ခါတိုးမြှင့်တာကလွဲပြီး အခြားလုပ်ဆောင်တာမတွေ့ရဘဲ စက်တင်ဘာ ၁၀ ရက်အထိ ရုံးပိတ်ရက်ထပ်တိုးထားပါတယ်။

လက်ရှိ မျိုးရိုးဗီဇကွဲ ကိုဗစ်-၁၉ မျိုးစိတ်တွေ့ရှိတယ်ဆိုတဲ့ ထုတ်ပြန်ချက်ဟာ အများပြည်သူကို ကြောက်လန့်အောင်ထုတ်ပြန်တာဖြစ်တယ်လို့ သုံးသပ်သူတွေရှိနေပါတယ်။

လက်ရှိမှာ ရန်ကုန်မြို့အပါအဝင် အခြားမြို့​တွေမှာ ကိုဗစ်ပိုး​တွေ့နှုန်းနဲ့ ​သေဆုံးနှုန်းကျ​နေတဲ့အချိန်မှာ အခုလို ပိုးအသစ်​တွေ့ရှိတယ်လို့ စစ်​ကောင်စီရဲ့ထုတ်ပြန်လိုက်တဲ့အ​ပေါ် မှာ ပြည်သူ​တွေ အပြင်မထွက်ရဲ​အောင်လုပ်​နေတာလို့ သုံးသပ်​နေကြပါတယ်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။