ရန်ကုန်မြို့ လှိုင်မြို့နယ်တွင် ယနေ့ညနေ ၆ နာရီခွဲခန့်က စစ်ကောင်စီ၏သတင်းပေးဟု နာမည်ထွက်သူတစ်ဦး သေနတ်ဖြင့်ပစ်ခံရကာ သေဆုံးသွားကြောင်း သတင်းရရှိသည်။
သေနတ်ဖြင့် ပစ်သတ်ခံရသူမှာ ဇူလိုင်မိုးဆိုသူဖြစ်ပြီး လှိုင်မြို့နယ် (၁) ရပ်ကွက် အောင်မေတ္တာလမ်း အင်ကြင်းလက်ဖက်ရည်ဆိုင်အနီး ပစ်ခံရခြင်းဖြစ်သည်ဟု ဒေသခံတစ်ဦးက ပြောသည်။
“ဟိုတစ်ခါ သူတို့အနားက PDF ကောင်မလေး အိမ်ပြန်လာတာ နောက်နေ့လာဖမ်းသွားတယ်။ စကစအဖွဲ့တွေ။ သူ့လက်ချက်လို့သတင်းထွက်နေတာ”ဟု ၎င်းက ဆိုသည်။
ပစ်ခတ်မှုဖြစ်ပွားသည့် အောင်မေတ္တာလမ်း၌ စစ်ကောင် စီတပ်များရောက်ရှိနေသောကြောင့် အနီးဝန်းကျင်နေအိမ်များက လျှပ်စစ်မီးများ မှိတ်ထားရသည်ဟု အထက်ပါဒေသခံက ဆက်ပြောသည်။
Public Service Announcement
ပြီးခဲ့သည့်ရက်ပိုင်းကလည်း အဆိုပါ (၁)ရပ်ကွက်နေ သတင်းပေးဒလန်တစ်ဦးဖြစ်သည့် ဦးတင်လှိုင်ဆိုသူလည်း သေနတ်ဖြင့်ပစ်ခံရကာ သေဆုံးခဲ့သည်။
ယနေ့ညနေပိုင်း ပစ်သတ်ခံရသည့် စစ်ကောင်စီသတင်းပေး ဇူလိုင်မိုးမှာ အထက်ပါ ဦးတင်လှိုင်၏ တပည့်တစ်ဦးဖြစ်ကြောင်း ပြောဆိုမှုများလည်း ရှိသည်။
