ပြည်သူ့တော်လှန်ရေးစစ်သည်အားလုံး စစ်မြေပြင်မှာလိုက်နာရမယ့် စည်းကမ်းချက် (၇) ချက်ကို အမျိုး သားညီညွတ်ရေးအစိုးရရဲ့ ကာကွယ်ရေးဝန်ကြီးက ဒီနေ့ထုတ်ပြန်လိုက်ပါတယ်။
အထက်အမိန့်ကို နာခံဖို့၊ မိမိတပ်ဖွဲ့အပေါ် သစ္စာရှိဖို့၊ မိမိလက်နက်ကို မိမိအသက်ကဲ့သို့တန်ဖိုးထားဖို့၊ အရေးပေါ်လိုအပ်ချက်အရ အရပ်သားပြည်သူပိုင်ပစ္စည်းတွေကို အသုံးပြုရပါက တန်ရာ တန်ဖိုးပေးဖို့ အချက်တွေပါဝင်ပါတယ်။
ဒါ့အပြင် သုံ့ပန်းတွေကို ညှင်းပန်းခြင်း၊ သတ်ဖြတ်ခြင်းမပြုဖို့၊ သင့်လျော်တဲ့နေရာမှာ ထိန်းသိမ်းထားဖို့၊ မိမိရဲမေတွေအပေါ်ဖြစ်စေ၊ အရပ်သူအမျိုးသမီးတွေအပေါ်ဖြစ်စေ လိင်ပိုင်းဆိုင်ရာ ထိပါး နှောင့်ယှက်ခြင်းမပြုဖို့လည်း တားမြစ်ထုတ်ပြန်ပါတယ်။
ရန်သူ့ဆီကနေ သိမ်းဆည်းရမိတဲ့ငွေ၊ လက်နက်၊ ပစ္စည်းတွေကို ဆိုင်ရာတပ်မှူးထံ စာရင်းနဲ့တကွအပ်နှံရမယ်လို့လည်း ညွှန်ကြားထားပါတယ်။
Public Service Announcement
ပြည်သူ့တော်လှန်ရေးစစ်သည်အားလုံးအထက်ပါစည်းမျဉ်းစည်းကမ်းတွေကို အစဉ်လိုက်နာစေ ရေးအတွက် ဆိုင်ရာတပ်မှူးတွေက နှိုးဆော်ကြပ်မတ်ရမယ်လို့ ကာကွယ်ရေးဝန်ကြီး ဦးရည်မွန်က ထုတ်ပြန်ပါတယ်။
