ထိုင်း − မလေးရှားနယ်စပ် ရဲ့ ထိုင်းဘက်ခြမ်း ဆဒေါ့ခရိုင် မှာတရားမဝင် မြန်မာရွှေ့ပြောင်းသွားလာသူ တွေကိုဖမ်းမိခဲ့ရာမှာ ကိုဗစ်ကူးစက်ခံထားရတာတွေ့လို့ သူတို့နဲ့ထိတွေ့မိသူ ထိုင်းအာဏာပိုင်ဦးရေ ၄၀ လောက် ကွာရင်းတင်းဝင်နေရတဲ့အကြောင်း ဘန်ကောက်ပို့စ် သတင်းစာက ဖော်ပြပါတယ်။
ကလေးတဦးအပါအဝင် မြန်မာ ၁၄ ဦး ဟာ မလေးရှား. ဘက်ကို သွားဖို့ ထိုင်းဘက်ခြမ်းမှာ စောင့်ဆိုင်း နေချိန် ထိုင်းလဝက နဲ့ အုပ်ချုပ်ရေးပိုင်းက အာဏာပိုင်တွေဟာ ပြီးခဲ့တဲ့ စနေနေ့ က ဖမ်းဆီးခဲ့တာပါ။
ဖမ်းမိသူအားလုံးကို ကိုဗစ် စစ်ဆေးဲ့ရာမှာ ၉ ဦးမှာ ကူးစက်ခံထားရတာတွေ့လို့ ဆေးရုံကို ပို့ဆောင်ပေးခဲ့တယ်လို့သိရပါတယ်။ ကျန်တဲ့ ၅ ဦးကိုတော့ ဒုတိယအကြိမ် စစ်ဆေးထားပြီး ရလဒ်ကိုတော့မသိရသေးပါဘူး။
ဒီလို ဖမ်းခံရသူတွေမှာ ကိုဗစ်တွေ့ရတဲ့အတွက် ဖမ်းဆီးရာမှာ ပါဝင်ခဲ့တဲ့ ရဲ ၊ စစ်သားနဲ့ အုပ်ချုပ်ရေးပိုင်းအရာရှိ ဦးရေ ၄၀ နီးပါးကို စစ်ဆေးရာမှာာ ကိုဗစ်ကူးစက်ခံရတာမတွေ့ရပေမယ့် ကွာရင်းတင်း ၁၄ ရက်တော့ထားရှိမယ်လို့ ဘန်ကောက်ပို့စ်က ဆိုထားပါတယ်။
Public Service Announcement
