မကွေးတိုင်း မြိုင်မြို့နယ် အေးချမ်းသာစံပြကျေးရွာတွင် အကြမ်းဖက်စစ်ကောင်စီတပ်များ ဒေသခံလူငယ်သုံးဦးကို ရက်ရက်စက်စက်သတ်ဖြတ်ခဲ့ကြောင်းဒေသခံများကပြောသည်။
စက်တင်ဘာလ ၁၄ ရက်က စစ်ကိုင်းတိုင်းနှင့် မကွေး တိုင်းနယ်စပ်တွင်ရှိသော အေးချမ်းသာစံပြကျေးရွာသို့ စစ်ကောင်စီတပ်များ ဝင်ရောက်လာပြီး ရွာမှ
အသက်၂၀ကျော်လူငယ်တစ်ဦးကို မီးရှိူ့သတ်ဖြတ်ခဲ့သည်။ ၁၉နှစ်အရွယ်လူငယ်တစ်ဦးကို ရိုက်နှက်နှိပ်စက်၍သတ်ဖြတ်ခဲ့ပြီး အသက် ဆယ်နှစ်အရွယ် ကလေးတစ်ဦးကို ရေကူးနေစဥ် သေနတ်ဖြင့်ပစ်သတ်ခဲ့ခြင်းဖြစ်ကြောင်း ဒေသခံများက ပြောသည်။
ထို့အပြင် ကျေးရွာရှိ ဆိုင်ကယ်အစီး ၄၀ကျော်ကိုလည်း စုပုံမီးရှိူ့ဖျက်ဆီးခဲ့ပြီး ကားအချို့ကိုလည်း မီးရှို့သွားကြောင်း ဒေသခံများက ပြောသည်။ ပုလဲမြို့နယ်
နှင့် မြိုင်မြို့နယ် ကြားကျေးရွာများ အကြမ်းဖက်စစ်ကောင်စီတပ်များက နေအိမ်များကိုမီးရှို့ဖျက်ဆီးကာ လက်နတ်ကြီးများဖြင့် ပစ်ခတ်သဖြင့် ဒေသခံပြည်သူများ ထွက်ပြေးတိမ်းရှောင်နေကြသည်။
ထွက်ပြေးတိမ်းရှောင်နေရာမှပြည်သူအချို့ယနေ့ ရွာသို့ ပြန်စဥ် လူငယ်သုံးဦး အသတ်ခံထားရသောအလောင်းကိုတွေ့ခဲ့ကြခြင်းဖြစ်သည်။
Public Service Announcement
အေးချမ်းသာစံပြကျေးရွာအနီး မကွေးနှင့်စစ်ကိုင်းနယ်စပ် ပုလဲမြို့နယ်တွင် စစ်ကောင်စီတပ်များနှင့် ဒေသခံPDF တို့အကြား တိုက်ပွဲများဖြစ်ပွားလေ့ရှိပြီး အနီးနားကျေးရွာများအား ဖိနှိပ်နေခြင်းဖြစ်ကြောင်း ဒေသခံများက ပြောသည်။
ပြည်သူ့တော်လှန်ရေးတပ်မတော် (PRA) က ယနေ့ကြေညာချက်ထုတ်ပြန်ရာ အေးချမ်းသာစံပြကျေးရွာရှိ လက်နက်မဲ့ပြည်သူ ၂ ဦးကို မီးရှို့သတ်ဖြတ်ခြင်း၊ ပြည်သူ ၁ ဦးကို ဖမ်းဆီးနှိပ်စက်သတ်ဖြတ်ခြင်း ပြုလုပ်ခဲ့သည့် စစ်ကောင်စီကို လက်နက်ကိုင်အချင်းချင်း သတ္တိရှိရှိ စိန်ခေါ်တိုက်ခိုက်နိုင်ကြောင်းသတိပေးခဲ့သည်။
အပြစ်မဲ့ပြည်သူနှင့် ကျေးရွာအတွင်းရှိ အိုးအိမ်ပစ္စည်းများအား နောက်နောင်တွင် လုံးဝ (လုံးဝ) သတ်ဖြတ်၊ဖျက်ဆီးခြင်း မပြုလုပ်ရန် အပြင်းအထန်သတိပေးလိုက်ကြောင်း PRA က ထုတ်ပြန်ထားသည်။
ဓာတ်ပုံ-PRA
