'/%3E%3C/svg%3E){kind=small}
ခရမ်းမြို့တွင် ယမန်နေ့ညက ပစ်ခတ်ပေါက်ကွဲမှုများဖြစ်ပွားပြီးနောက် မြို့အဝင်၊အထွက်များတွင် စစ်ဆေးမှုများကို ယခင်ကထက်ပိုမိုလုပ်ဆောင်လျက်ရှိသည်။
ထိုသို့စစ်ဆေးရာတွင် ခရီးသွားပြည်သူများ၏ မှတ်ပုံ တင်ကိုယ်ရေးအချက်အလက်နှင့် စစ်ကောင်စီခန့် အုပ် ချုပ်ရေးမှူးထောက်ခံစာပါမပါ စစ်ဆေးနေခြင်းဖြစ်သည်ဟု ဒေသခံများက ပြောသည်။
“ကျွန်မတို့စီးလာတဲ့ကားကို မြို့အဝင်ဂိတ်မှာ စစ်တယ်။ မှတ်ပုံတင်တို့ ထောက်ခံစာတို့တောင်းတယ်။ မပါတဲ့သူကို ပြန်လွှတ်တယ်”ဟု ရန်ကုန်မြို့တွင်အလုပ် သွားလုပ်ပြီး ခရမ်းမြို့နယ်သို့ ပြန်လာသူတစ်ဦးက ပြောသည်။
မြို့အဝင်၊အထွက်များ၌ စစ်ဆေးခြင်းကို စစ်ကောင်စီတပ်ဖွဲ့ဝင်အများအပြားဖြင့် လုပ်ဆောင်နေခြင်းဖြစ်ပြီး ပုံမှဈေးထွက်နေကြ ကုန်စိမ်းသည်နှင့် ငါးသည်များကိုပါ ထောက်ခံစာမပါလျင် မြို့တွင်းအဝင်မခံကြောင်း ဒေသခံနောက်တစ်ဦးက ပြောသည်။
Public Service Announcement
ထို့အပြင် ပစ်ခတ်မှုဖြစ်ပြီးနောက် ယနေ့(စက်တင်ဘာ ၁၈)တွင် ခရမ်းမြို့ပေါ်ရှိ ဆေးဆိုင်များနှင့် ဈေးဆိုင်အများစု ပိတ်ထားကြပြီး လူအသွားအလာကျဲပါးလျက်ရှိသည်။
ယမန်နေ့ ခရမ်းမြို့ပေါ် ပစ်ခတ်မှုတွင် စစ်ကောင်စီတပ်သား ငါးဦးသေဆုံးကာ ပြည်သူ့ကာကွယ်ရေးတပ်ဖွဲ့ဝင်နှစ်ဦးကျဆုံးပြီး ဒဏ်ရာရလူငယ်တစ်ဦးကို အရှင်ဖမ်းမိသွားရာ စစ်ကြောရေး၌ ကျဆုံးသွားသည့်အတွက် ပြည်သူ့ကာကွယ်ရေးတပ်ဖွဲ့ဝင် စုစုပေါင်းသုံးဦး ကျဆုံးခဲ့သည်။
