အမျိုးသားညီညွတ်ရေးအစိုးရ NUGရဲ့ ဘတ်ဂျက်လိုငွေ ဒေါ်လာ သန်း၈၀၀ကို ရရှိအောင်လုပ် ဆောင်နေပြီး မကြာခင် ရရှိတော့မယ်လို့ သယံဇာတနှင့် သဘာ၀ ပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဒေါက်တာတူးခေါင်က အသိပေးပါတယ်။
“NUG တခုလုံးရဲ့ ဘက်ဂျက်လိုအပ်ချက်က ဒေါ်လာ သန်း ၈၀၀ ပါ။ ရအောင်လဲ လုပ်နေပါတယ်။ မကြာခင် ရတော့မှာပါ”လို့ NUG ဝန်ကြီးက သူ့ရဲ့လူမှုကွန်ရက်မှာ ရေးသားထားတာပါ။
ပြည်သူတွေက NUG/CRPH ကို လှူထားတဲ့ ဒေါ်လာ ၁၇ သန်းကျော်ကို လက်နက်ဝယ်ယူတာ၊ သင်တန်းစရိတ်အတွက်အသုံးပြုတာ၊ လိုအပ်တဲ့ CDM တွေကို ကူညီထောက်ပံ့တာ စတာတွေမှာ သုံးစွဲတယ်လို့ ရှင်းလင်းထားပါတယ်။
ဘဏ္ဍာရေးဌာနမှာ စာရင်းပြုစုပေးတဲ့ နိုင်ငံတကာအဆင့်လက်မှတ်ထားတဲ့ ပညာရှင်တွေ များစွာ လုပ်အားပေးနေကြပြီး စာရင်းစစ်လည်း ရှိကြောင်း ဝန်ကြီးဒေါက်တာတူးခေါင်က ပြောပါတယ်။
Public Service Announcement
အမျိုးသားညီညွတ်ရေးအစိုးရဟာ ဒေသခံပြည်သူ့ကာကွယ်ရေးတပ်ဖွဲ့(Local PDF)တွေကို လက် နက်တပ်ဆင်ပေးဖို့ လုပ်ဆောင်နေပြီး လိုအပ်ချက်များစွာရှိတဲ့အတွက် စောင့်ဆိုင်းဖို့လိုတယ်လို့ ဆိုပါတယ်။
“တနိုင်ငံလုံးမှာရှိတဲ့ သိန်းချီသော PDF တွေအတွက် လိုအပ်ချက်တွေတော့ အများကြီးပါ။ တစ်မြို့နယ် အလက် ၁၀၀ ပေးဖို့ ဆိုရင်တောင် ၃၃၀၀၀ လိုအပ်တယ်။ လက်ရှိ အလှူခံထားတဲ့ ဒေါ်လာ ၁၇သန်း ဖိုး ဝယ်ရင်တောင် အလက် ၅၀၀၀ လောက်ပဲရမယ်။ အံ့သြဖို့ကောင်းတာက အဲ့ထက်မက တော့ဘူး”လို့ သူက ဆက်ပြောပါတယ်။
