ပူတာအိုခရိုင် PDFသို့ ပူးပေါင်းပါဝင်ကြရန် ဖိတ်ခေါ်

ကချင်ပြည်နယ် ပူတာအိုမြို့နယ် ပြည်သူ့ကာကွယ်ရေးတပ်ဖွဲ့(PDF)သို့ ပူးပေါင်းပါဝင်ပေးကြရန် ဖိတ်ခေါ်ကြောင်း ပူတာအို PDFက ယနေ့ ထုတ်ပြန်သည်။

ပူတာအို PDFသည် ဖက်ဒရယ်ဒီမိုကရေစီ ရရှိရေးအတွက် လူမျိုး/ဘာသာမရွေး တာဝန်ထမ်းဆောင်နေကြောင်း၊ ကချင်နိုင်ငံရေး၏ ဦးဆောင်ကော်မတီဖြစ်သည့် KPICTနှင့် အမျိုးသားညီညွတ်ရေး အစိုးရ(NUG) တို့ သဘောတူညီထားသည့်အတိုင်း ကချင်ဒေသနှင့် ဆိုင်သော လုံခြုံရေးနှင့် ကာကွယ်ရေးတာဝန်ကို ကချင်လက်နက်ကိုင်အဖွဲ့(KIO/KIA)၏ ဦးဆောင်မှုတွင် အပြည့်အ၀ ပါဝင်ရန်ဖြစ်ကြောင်း ဖော်ပြထားသည်။

ပူတာအိုခရိုင် ပြည်သူ့ကာကွယ်ရေးတပ်ဖွဲ့၏ ခံယူချက်နှင့် သဘောထားမှာ နိုင်ငံတော်အာဏာကို လက်နက်အားကိုဖြင့် အတင်းအဓ္ဓမ သိမ်းယူသည့် စစ်ကောင်စီအား တိုက်ထုတ်ရန်၊ စစ်အာဏာရှင် စနစ် ကျဆုံးသည်အထိ တိုက်ပွဲဝင်ပြီး ပြည်သူများ၏ အသက်အိုးအိမ်စည်းစိမ်ကို အသက်ပေးကာကွယ်ရန် ဖြစ်ကြောင်း ထုတ်ပြန်ခဲ့သည်။

အရေးတော်ပုံတော်လှန်ရေး ပြီးမြောက်ခဲ့ပါက နိုင်ငံရေးရည်မှန်းချက်ဖြစ်သော ဖက်ဒရယ်ဒီမိုကရေစီစနစ်တည်ဆောက်ရာတွင် KPICT ၏ ဦးဆောင်မှုနှင့်အတူ ပြည်သူ့ကာကွယ်ရေးတပ်မတော်တွင် တာဝန်ထမ်းဆောင်သွးမည်ဖြစ်ကြောင်း ပူတာအိုခရိုင် ပြည်သူ့ကာကွယ် ရေးတပ်ဖွဲ့က ဆိုသည်။

Public Service Announcement