တနင်္သာရီတိုင်း ထားဝယ်မြို့နှင့် လောင်းလုံးမြို့တို့တွင် အကြမ်းဖက်စစ်တပ်က အမြောက်ပစ်လေ့ကျင့်မှုသုံး ရက်တာ ပြုလုပ်မည်ဖြစ်သည်။
ထားဝယ်မြို့လယ်ရှိ ကမြောကင်းတံတားမှ လောင်းလုံးမြို့တွင်းရှိ ကျွန်းများကို စစ်တပ်က အမြှောက်ပစ်လေ့ကျင့်မည်ဟုဆိုပြီး ထိုကျွန်းများကို လူနေကင်းမဲ့ဇုန်လုပ်ထားရန် စစ်ကောင်စီ အုပ်ချုပ်ရေးမှူးများကို စက်တင်ဘာ ၂၇ ရက်တွင် ညွှန်ကြားထားသည်။
ထိုကျွန်းများမှာ ရေလယ်ကျွန်း၊ ကူးတို့ဆိပ်ဟောင်းကျွန်း၊ ဓနိကျွန်းနှင့် ရွှေကျွန်းတို့ဖြစ်သည်။ ထိုကျွန်းများတွင် အမြောက်ပစ်လေ့ကျင်မှုကို စဉ်ဆက်မပြတ်ဆောင်ရွက်မည်ဟု စစ်ကောင်စီကဆိုထားသည်။ စစ်ရေးလေ့ကျင့်မှုကို စက်တင်ဘာ ၂၈ ရက်မှ ၃၀ ရက်အထိ ဆောင်ရွက်မည်ဟု စစ်ကောင်စီ၏ ညွှန်ကြားချက်တွင် ပါဝင်သည်။
ထိုကျွန်းများကို လူ၊လှေ၊သင်္ဘော၊ ယာဉ်နှင့် တိရစ္ဆာန်များမဝင်ရန် တားမြစ်ထားရမည်ဟု စစ်ကောင်စီက ညွန့်ကြားထားသည်။
Public Service Announcement
“ဒီကျွန်းတွေမှာ လယ်လုပ်နေတဲ့သူတွေ၊ ဓနိခုတ်တဲ့သူတွေရှိတယ်”ဟု ထားဝယ်မြို့ခံတစ်ဦးက ပြောသည်။
ကမြောကင်းတံတားသည် ထားဝယ်မြို့နှင့်လောင်းလုံမြို့ကြား လူနေရပ်ကွက်များကို ဖြတ်သန်းစီးဆင်းနေသည့် ထားဝယ်မြစ်ပေါ်တွင် တည်ရှိသည်နေသည်။
အမြောက်ပစ်ခတ်လေ့ကျင့်မှုကို ထားဝယ်တပ်နယ် ကွပ်ကဲမှုအောက်ရှိ အမှတ် (၃၀၂) အမြောက်တပ်ရင်းက လုပ်ဆောင်မည်ဖြစ်သည်ဟု ဆိုထားသည်။
