အပြည်ပြည်ဆိုင်ရာရီပက်ဗလစ်ကန်အင်စတီကျု(IRI)ရဲ့ ၂၀၂၁ ခုနှစ် လွတ်လပ်ခွင့်ဆု(John McCain Freedom Award)အတွက် ကုလသမဂ္ဂဆိုင်ရာမြန်မာသံအမတ်ကြီးဦးကျော်မိုးထွန်းကို ရွေးချယ်လိုက်တယ်လို့ သိရပါတယ်။
ကမ္ဘာတဝန်းဒီမိုကရေစီမြှင့်တင်ရေးအဖွဲ့ IRI ဟာ ၂၀၂၁ ခုနှစ် ဒီမိုကရေစီသူရဲကောင်းတွေအဖြစ် လစ်ယူယေးနီးယားဝန်ကြီးချုပ်၊ မြန်မာသံအမတ်ကြီးဦးကျော်မိုးထွန်း၊ ဘီလာရုစ်နိုင်ငံရေးအကျဉ်းသားများအရေး ညှိနှိုင်းရေးကောင်စီကိုယ်စားလှယ်နဲ့ ဂရမ်မီဆုရှင်ကျူးဘားအနုပညာရှင်တို့ကို John McCain Freedom Award ပေးအပ်ချီးမြှင့်ဖို့ ရွေးချယ်ထားတာဖြစ်ပါတယ်။
ကုလသမဂ္ဂဆိုင်ရာမြန်မာသံအမတ်ကြီး ဦးကျော်မိုးထွန်းဟာ မြန်မာစစ်တပ်ရဲ့ တရားမဝင်အာ ဏာသိမ်းမှုကို ရဲဝံ့စွာကန့်ကွက်ရှုတ်ချခဲ့ပြီး မြန်မာပြည်သူတွေတောင်းဆိုနေတဲ့ ဒီမိုကရေစီအရေးကို ကုလသမဂ္ဂကတဆင့် ကမ္ဘာကြီးက သိရှိဖို့ မြှင့်တင်ဆောင်ရွက်နေပါတယ်။
အဲဒီဆုပေးပွဲအခမ်းအနားကို အမေရိကန်၊ ဝါရှင်တန်မြို့တော်မှာ လာမယ့် အောက်တိုဘာ ၁၉ ရက်မှာ ကျင်းပမှာဖြစ်ပါတယ်။
Public Service Announcement
