​ဆော-​ကျောက်ထုလမ်းပိုင်းကို ပြည်သူများသွားလာခြင်းမပြုရန် YDF သတိပေး

လက်ရှိစစ်ရေးတင်းမာမှုအခြေအနေများအရ မိဘပြည်သူများအနေဖြင့် ဆော- ကျောက်ထုလမ်းပိုင်းသို့ လုံးဝ သွားလာခြင်းမပြုကြရန် အထူး‌အသိပေးကြေညာအပ်​ကြောင်း ​ယော​ဒေသကာကွယ်​ရေးအဖွဲ့-YDF(​ဆော-ကျောက်ထု) ကယ​နေ့ထုတ်ပြန်သည်။

​ဆော-​ကျောက်ထု လမ်းပိုင်းတွင် ယခုရက်ပိုင်းအတွင်း အကြမ်းဖက်စစ်​ကောင်စီတပ်နှင့် ​YDF တို့ကြား တိုက်ပွဲများမကြာခဏဖြစ်ပွား​နေသည်။ ​ယောနယ် ၊​ဆောနယ်အပါအဝင် မ​ကွေးတိုင်း ၊ စစ်ကိုင်းတိုင်းနှင့် ချင်းပြည်နယ် တို့တွင်စစ်​ကောင်စီတပ်မှ အင်အားအများအပြားဖြည့်တင်း​နေပြီး ​ဒေသကာကွယ်​ရေးတပ်များကလည်း ​ပျောက်ကြားနည်းဖြင့် တိုက်ခိုက်မှုများပိုမိုပြင်းထန်​နေသည်။

အကြမ်းဖက်စစ်ကောင်စီတပ်ဘက်မှ ​ဆော-​ကျောက်ထုလမ်းပိုင်းတွင် ​အောက်တိုဘာ ၉ ရက် နံနက် ၅ နာရီက စစ်ကြောင်းနှစ်ကြောင်း စစ်အင်အား (၁၅၀) ကျော်ဖြင့် ချီတက်လာစဥ် YDF-​ဆော-​ကျောက်ထုပျောက်ကျားတပ်ဖွဲ့ ကမိုင်းအကြီး (၂)လုံး ၊ ပဒေသာမိုင်း အလုံး (၄၀)၊ လက်နက်ကြီး (၇)ချက်ဖြင့် ဖောက်ခွဲတိုက်ခိုက်ခဲ့ရာအကြမ်းဖက်စစ်ကောင်စီတပ်မှ (၂၀)ဦးထက်မနည်းသေဆုံးပြီး အများအပြားဒဏ်ရာရရှိခဲ့ကြောင်း YDF မှ သတင်းအတည်ပြုထုတ်ပြန်ထားသည်။