ချင်းပြည်နယ် ဟားခါးမြို့ပေါ်တွင် ယမန်နေ့(အောက်တို ဘာ၁၄)ညက ပစ်ခတ်မှုများဖြစ်ပွားခဲ့ပြီးနောက် လူဝင်မှုကြီးကြပ်ရေးရုံးဟောင်း မီးလောင်ခဲ့ကြောင်းThe Chin Journalက ဖော်ပြထားသည်။
အောက်တိုဘာ ၁၄ရက် ည ၁၁ နာရီခန့်တွင် ဟားခါးမြို့၊ ချင်းဦးစီရပ်ကွက်ရှိ လ၀ကရုံးဟောင်း မီးလောင်ခဲ့ရာ မီးလောင်မှုမဖြစ်ပွားမီ ၁၀ နာရီခွဲခန့်တွင် သေနက်ပစ်ခတ်သံ၊ ဗုံးပေါက်ကွဲသံများကြားရကြောင်း ဒေသခံများကို ကိုးကားဖော်ပြထားသည်။
လက်ရှိတွင် ဟားခါးဘက်သို့ စစ်ကောင်စီတပ်များ အင်အားဖြည့်တင်းနေ၍ ချင်းလက်နက်ကိုင်တပ်များနှင့် တိုက်ပွဲဖြစ်ပွားနေသည်။
ဖလမ်းဘက်မှ ဝင်ရောက်လာသည့် စစ်ကောင်စီ တပ်များကို (CNF)နှင့် ချင်းပြည်ကာကွယ်ရေးတပ်ဖွဲ့ (CDF)တို့က တိုက်ခိုက်နေရာ အောက်တိုဘာ ၁၃ရက်နှင့် ၁၄ရက်တွင် ဟားခါး- ဖလမ်းလမ်း၌ တိုက်ပွဲများဖြစ်ခဲ့သည်။
Public Service Announcement
