'/%3E%3C/svg%3E){kind=small}
အကြမ်းဖက်စစ်ကောင်စီ၏ ထိုးစစ်ဆင်မှုမြင့်တက်နေပြီး အခြေခံစစ်သင်တန်းများကို အောင်မြင်စွာပေးနိုင်သောကြောင့် အမျိုးသားညီညွတ်ရေးအစိုးရ(NUG) ၏ လက်နက် အထောက်အပံ့သာလိုအပ်နေကြောင်း ပြည်သူ့တော်လှန်ရေးတပ်မတော်(PRA)၏ဦးဆောင်သူ ဗိုလ်ဂျပန်က ပြောသည်။
“ဒီနေ့ဆိုရင် (အောက်တိုဘာ ၂၁ ရက်)သင်တန်းအမှတ်စဉ် ၁၀မှာ အမျိုးသား၈၀ ဦးနဲ့အမျိုးသမီး ၂၃ဦးက အခြေခံစစ်သင်တန်းကို စစ်ကောင်စီရဲ့ ထိုးစစ်ဆင်နေတဲ့ကြားကနေ ပြီးသွားပြီ။ဒါပေမယ့် အဓိကအခက်အခဲဖြစ်တဲ့လက်နက်ခဲယမ်းတွေကို မရသေးဘူး”ဟု ဗိုလ်ဂျပန်က ရှင်းပြသည်။
မကြာမီ NUG အစိုးရထံမှ အထောက်အပံများရရှိရန် မျှော်လင့်ထားပြီး ပြည်သူများကလည်းထောက်ပံပေးရန် ၎င်းက တိုက်တွန်းသည်။
ထို့အပြင် ပြည်သူ့တော်လှန်ရေး တပ်မတော် (PRA) တစ်ဖွဲ့လုံးမှာ NUGအစိုးရ၏ လမ်းညွှန်ချက်အတိုင်း လျှောက်လှမ်းမည် ဖြစ်သည်။နိုင်ငံတကာ စစ်ဥပဒေကျင့်ဝတ်များကို လိုက်နာဆောင်ရွက်သွားမည်ဟု ကတိပြုသည်။
Public Service Announcement
စစ်ကိုင်း နှင့် မကွေးတိုင်းအတွင်းအကြမ်းဖက်စစ်ကောင်စီကို တော်လှန်နေသည့် ပြည်သူ့လက်နက်ကိုင်အဖွဲ့ များအနက် PRA လည်းပါဝင်ပြီး အောက်တိုဘာ ၂၀ ရက်က မကွေးတိုင်း ဂန့်ဂေါမြို့နယ်လမ်းပိုင်းတစ်ခုတွင် ခြုံခို တိုက်ခိုက်ရာ အကြမ်းဖက်စစ်ကောင်စီတပ်သား ၁၃ ဦးခန့်သေဆုံးပြီး အများအပြားဒဏ်ရာရရှိကြောင်း ပြည်သူ့တော်လှန်ရေးတပ်မတော် (PRA) က ဗီဒီယိုဖိုင်နှင့်အတူ ထုတ်ပြန်ခဲ့သည်။
အောက်တိုဘာ ဒုတိယပတ်အတွင်း PRA နှင့်စစ်ကောင်စီတပ်တို့ တိုက်ပွဲလေးကြိမ်ထက်မနည်းဖြစ်ပွားခဲ့ကာ စစ်ကောင်စီ တပ်သား ၂၅ဦးသေကာ အများအပြားဒဏ်ရာရရှိခဲ့ပြီး PRA မှ ရဲဘော် နှစ်ဦးကျဆုံးခဲ့သည်။
