မန္တလေးတိုင်း ကျောက်ဆည်ခရိုင် စဥ့်ကိုင်မြို့နယ်တွင် ခန်းမတစ်ခုအတွင်း တပ်စွဲနေသောအကြမ်းဖက်စစ်ကောင်စီတပ်အား ပြည်သူ့ကာကွယ်ရေးအဖွဲ့မှ ဗုံးဖြင့် ပစ်ခတ်တိုက်ခိုက်ခဲ့ရာ အကြမ်းဖက်စစ်ကောင်စီတပ်သားအချို့ သေဆုံးနိုင်ကြောင်း ဒေသခံများက ပြောသည်။
ယနေ့ (အောက်တိုဘာလ ၂၁ ရက်) နံနက် ၂နာရီအချိန်တွင် စဥ့်ကိုင်မြို့နယ် ရွာဘိုကျေးရွာရှိ ရွာလယ်ခန်းမထဲတွင် တပ်စွဲထားသော အကြမ်းဖက်စစ်တပ်အင်အား ၇၀ ခန့်အား ပြည်သူ့ကာကွယ်ရေးအဖွဲ့မှ အလစ်အငိုက် ဗုံးဖြင့်ပစ်၍တိုက်ခိုက်ခဲ့ကြောင်း၊ အဆိုပါတိုက်ခိုက်မှုကြောင့် အကြမ်းဖက်စစ်ကောင်စီတပ်သား ၁၀ ဦးခန့်ကျဆုံးနိုင်ကြောင်း ကျောက်ဆည် ပြည်သူ့ကာကွယ်ရေးအဖွဲ့က သတင်းထုတ်ပြန်သည်။
အဆိုပါဖြစ်စဥ် ဖြစ်ပွားခဲ့သည်မှာမှန်ကန်ကြောင်း၊ စစ်ကောင်စီတပ်သားအသေအပျောက်စာရင်းမှာမှု မသိရသေးကြောင်း ဒေသခံများက ပြောသည်။
ဗုံးဖြင့် ပစ်ခတ်တိုက်ခိုက်ပြီးနောက် ပြည်သူ့ကာကွယ်ရေးအဖွဲ့မှ အလျင်အမြန်ဆုတ်ခွာနိုင်ခဲ့ပြီး အကြမ်းဖက်စစ်တပ်မှ ရမ်းသမ်းပစ်ခတ်မှုများ ပြုလုပ်ခဲ့ကြကြောင်း ကျောက်ဆည် ပြည်သူ့ကာကွယ်ရေးအဖွဲ့က အသိပေးသည်။