စစ်ကိုင်းတိုင်း၊ မုံရွာမြို့တွင် ယနေ့နံနက်ပိုင်းက ကလေးငယ်နှစ်ဦးသေဆုံးစေခဲ့
သည့် ပေါက်ကွဲမှုအပါအဝင် ပေါက်ကွဲမှု နှစ်ခု ဖြစ်ပွားခဲ့ပြီး အဆိုပါဖောက်ခွဲမှုများအား ပါဝင် ပါတ်သက်ခဲ့ခြင်း လုံးဝမရှိကြောင်း People’s Defence Force – South Monywa ကသတင်းထုတ်ပြန်သည်။
ယနေ့ အောက်တိုဘာလ ၂၄ ရက် နံနက် ၈ နာရီဝန်းကျင်က မုံရွာမြို့ မြို့တော်ခန်းမအနီးတွင်တစ်ကြိမ်၊ သူနာပြုသင်တန်းကျောင်းအနီးတွင်တစ်ကြိမ် ပေါက်ကွဲမှုများဖြစ်ပွားခဲ့ပြီး သူနာပြုသင်တန်းကျောင်းအနီးပေါက်ကွဲမှုတွင် စွန့်ပစ်အမှိုက်ကောက်သည့်ကလေးငယ်နှစ်ဦး သေဆုံးခဲ့ကြောင်း ဒေသခံများက ပြောသည်။
အဆိုပေါက်ကွဲမှုများနှင့်ပါဝင် ပါတ်သက်ခဲ့ခြင်း လုံးဝ (လုံးဝ) မရှိကြောင်း People’s Defence Force – South Monywa မှ အသိပေးသည်။
အဆိုပါပေါက်ကွဲမှုကြောင့် အသက် ၁၀နှစ်အရွယ်ယောကျာ်းလေးနှစ်ဦးသေဆုံးခဲ့ပြီး ၎င်းတို့နှင့်ပါလာသည့် အသက် နှစ်နှစ်အရွယ်ကလေးငယ်တစ်ဦးမှာ အသက်ရှင်ခဲ့ကြောင်း ဒေသခံများက ပြောသည်။
Public Service Announcement
အောက်တိုဘာလ ၁၄ ရက်နေ့ကလည်း မုံရွာမြို့လယ်မီးပွိုင့်အနီးတွင် ပေါက်ကွဲမှုဖြစ်ပွားခဲ့ရာ အသက် ၁၄ နှစ်အရွယ် သန့်ရှင်းရေးဝန်ထမ်း ယောကျာ်းလေးတစ်ဦးသေဆုံးခဲ့သည်။
