အမျိုးသားညီညွတ်ရေးအစိုးရ(NUG)ရဲ့ ချက်သမ္မတ နိုင်ငံဆိုင်ရာမြန်မာကိုယ်စားလှယ်ရုံးခန်းဖွင့်ပွဲကို အောက်တိုဘာ ၂၇ ရက်က မြို့တော်ပရာဟာမှာ ကျင်းပခဲ့တယ်လို့ အဲဒီကိုယ်စားလှယ်ရုံးက သတင်းထုတ်ပြန်ပါတယ်။
NUG မြန်မာကိုယ်စားလှယ်ရုံးခန်းဖွင့်ပွဲအခမ်းအနားကို ချက်နိုင်ငံခြားရေးဝန်ကြီးဌာန၊ လူ့အခွင့် အရေးနှင့် အသွင်ကူးပြောင်းရေးပေါ်လစီဌာန ညွှန်ကြားရေးမှူး Mr. DAVID ČERVENKA တက် ရောက်ခဲ့ပြီး NUG ကို ဆက်လက်ပံ့ပိုးအားပေးကူညီမယ်လို့ ပြောကြားခဲ့ကြောင်း ထုတ်ပြန်ချက်မှာ ဖော်ပြပါတယ်။
ချက်သမ္မတနိုင်ငံဟာ ဒီမိုကရေစီရေး၊ လူ့အခွင့်အရေး၊ တရားမျှတမှု၊ ငြိမ်းချမ်းရေးနဲ့ လွတ်လပ်ရေးတို့အတွက် ကြိုးစားလှုပ်ရှားနေကြတဲ့ မြန်မာနိုင်ငံသူ နိုင်ငံသားများတွေနဲ့ အတူတကွ ရပ်တည်သွားမယ်လို့ ထပ်လောင်းကတိပြုခဲ့တယ်လို့ ဆိုပါတယ်။
ချက်သမ္မတနိုင်ငံဆိုင်ရာ မြန်မာကိုယ်စားလှယ်ရုံးဖွင့်ပွဲအခမ်းအနားကို NUG လူ့အခွင့်အရေး ဆိုင်ရာဝန်ကြီး ဦးအောင်မျိုးမင်း၊ မြန်မာမိသားစုများ၊ ချက်နိုင်ငံသားများ တက်ရောက်ခဲ့တယ်လို့ ထုတ်ပြန်ချက်မှာ ဖော်ပြပါတယ်။
Public Service Announcement
တောင်ကိုရီးယားနိုင်ငံမှာလည်း NUG ရဲ့ မြန်မာကိုယ်စားလှယ်ရုံးခန်းကို ဖွင့်လှစ်နိုင်ခဲ့ပြီး အခု ချက်သမ္မတနိုင်ငံမှာ မြန်မာကိုယ်စားလှယ်ရုံးကို ထပ်မံဖွင့်လှစ်နိုင်ခဲ့တာဖြစ်ပါတယ်။
