မကွေးတိုင်းဒေသကြီး ၊ တောင်တွင်းကြီးမြို့တွင်အာဏာသ်မ်း စစ်ကောင်စီတပ်သားများ အချင်းချင်းမှားယွင်းပစ်ခတ်မိ၍ နှစ်ဦးသေဆုံးကာ တစ်ဦးထိခိုက်ဒဏ်ရာရရှိကြောင်း ဒေသခံများက ပြောသည်။
ယမန်နေ့ (အောက်တိုဘာလ ၂၉ ရက်)ည(၁၂)နာရီဝန်းကျင်က စစ်ကောင်စီတပ်အချင်းချင်း မှားယွင်း၍ ပစ်ခတ်ခြင်းဖြစ်ပြီး ၂ဦးသေဆုံးကာ တစ်ဦးအရေးပေါ်တင်ထားရကြောင်း ဒေသခံအချို့က ပြောသည်။
“သူတို့အချင်းချင်း ကင်းစောင့်ကြရင်း မူးမူးနဲ့ ရမ်းပစ်ကြတယ်ဆိုပြီး သတင်းရတာပဲခင်ဗျ။”ဟုဗိဿနိုးပြည်သူ့ကာကွယ်ရေး တပ်ဖွဲ့မှတာဝန်ရှိသူကပြောသည်။
အဆိုပါပစ်ခတ်မှုသည် ဗိဿနိုးပြည်သူ့ကာကွယ်ရေး တပ်ဖွဲ့ဝင်များနှင့် သက်ဆိုင်ခြင်းမရှိကြောင်း၊ မိမိတို့ပြုလုပ်ခဲ့သော ဖြစ်စဉ်များကို facebook page တွင် အချိန်နှင့်တပြေးညီ ထုတ်ပြန်ပေးနေသည်ဟု အဆိုပါအဖွဲ့က ထုတ်ပြန်သည်။
Public Service Announcement
ဗိဿနိုးပြည်သူ့ကာကွယ်ရေး နယ်မြေအတွင်းတွင်ရှိသော ပြည်သူများသည်လည်း စစ်ကောင်စီ၏ လက်အောက်ခံ အဖွဲ့များကို ကူညီထောက်ပံ့ ပတ်သတ်ခြင်းမပြုကြပါရန် အဆိုပါအဖွဲ့က တောင်းဆိုထားသည်။
