'/%3E%3C/svg%3E){kind=small}
ကရင်နီ(ကယား)ပြည်နယ် ဒီးမော့ဆိုမြို့နယ်တွင် ယနေ့တိုက်ပွဲဆက်လက်ဖြစ်ပွားရာ အကြမ်းဖက်စစ်ကောင်စီတပ်ဘက်မှ ရှစ်ဦးသေဆုံးခဲ့ကြောင်း ကရင်နီအမျိုးသားကာကွယ်ရေးတပ်ဖွဲ့(KNDF)က သတင်းထုတ်ပြန်သည်။
ယနေ့ (နိုဝင်ဘာလ ၁ ရက်)မွန်းလွဲပိုင်းတွင် ဒီးမော့ဆိုမြို့ ထူလွီးဘီလာရပ်ကွက်၌ တပ်စွဲထားသော အကြမ်းဖက်စစ်ကောင်စီတပ်များကို ကရင်နီတပ်မတော် (KA) နှင့် KNDF တို့မှ တိုက်ခိုက်ခဲ့ခြင်းဖြစ်သည်ဟု ဖော်ပြထားသည်။
ယနေ့ နံနက် ၉ နာရီခန့်မှစ၍ ရံဖန်ရံခါ အပြန်အလှန်ပစ်ခတ်မှုများရှိခဲ့ပြီး တစ်နေ့လုံးနီးပါး တိုက်ပွဲဖြစ်ခဲ့သည်ဟုဆိုသည်။
တိုက်ပွဲအတွင်း ကရင်နီတပ်မှ ရဲဘော်တစ်ဦးထိခိုက်ဒဏ်ရာရရှိခဲ့ပြီး မစိုးရိမ်ရကြောင်း KNDFက ဆိုသည်။
Public Service Announcement
ဒီးမော့ဆိုမြို့နယ် ရူးဖယ်ခူရပ်ကွက်နှင့် ထူလွီးဘီလာရပ်ကွက်တို့တွင် အကြမ်းဖက် စစ်ကောင်စီ များမှ တပ်အင်အား အများအပြားချထားပြီး ခြေရာတော်ဘုရားနှင့် သဲတောင်တို့တွင်လည်း တပ်စွဲထားကြောင်း၊အကြမ်း ဖက်စစ်ကောင်စီတပ်များသည် မိုးဗြဲမြို့နှင့် ဖရူဆိုမြို့တို့တွင် တပ်အင်အားများ ဖြည့်တင်းလျက် ရှိကြောင်း KNDFက ထုတ်ပြန်သည်။
