ထားဝယ်ခရိုင် သပိတ်ကော်မတီဝင် တစ်ဦးဖြစ်သူ ကိုမင်းလွင်ဦး ကို သွားရောက်ဖမ်းဆီးရာမှာ မတွေ့တာကြောင့် မိခင်ကို စစ်ကောင်စီတပ်ဖွဲ့ဝင်တွေ မနေ့ က နိုဝင်ဘာလ ၁ရက် ညပိုင်းမှာ ဖမ်းဆီးသွားတယ်လို့ သိရပါတယ်။
လောင်းလုံမြို့နယ် ၊ပြင်းထိန်ကျေးရွာ မှာရှိတဲ့ ကိုမင်းလွင်ဦးရဲ့နေအိမ်ကို စစ်ကောင်စီတပ်ဖွဲ့ဝင် အကြမ်းဖမ်းဝင်ရောက်စီးနင်းခဲ့တာလို့ ထားဝယ်ခရိုင်သပိတ်ကော်မတီက ထုတ်ပြန်ပါတယ်။
ဒါပေမယ့် နေအိမ်မှာကိုမင်းလွင်ဦးကိုမတွေ့လို့ မိခင်ဖြစ်သူ အသက် ၅၆ နှစ်အရွယ် ဒေါ်ချိုသန်း ကိုဖမ်းဆီးသွားတယ်လို့သိရပါတယ်။
ကိုမင်းလွင်ဦးဟာ ဖေဖော်ဝါရီ ၁ရက် စစ်အာဏာသိမ်းမှုမတိုင်ခင်ကပင် အဲဒီနေအိမ်မှာ နေထိုင်တော့တာ မရှိဘူးလို့သိရပါတယ်။
ဒါအပြင် စစ်ကောင်စီတပ်ဖွဲ့ဝင်တွေဟာ ပြင်းထိန်ကျေးရွာအနီး စစ်ပြဲကျေးရွာ က ထားဝယ်ခရိုင်သပိတ်ကော်မတီ ဝင် ကိုဝေယံစိုးရဲ့နေအိမ် နဲ့ ကိုဝေယံစိုးရဲ့အဒေါ်နေအိမ် တွေကို အကြမ်းဖက်ဝင်ရောက် စီးနင်းကာ နေအိမ်က အသုံးအဆောင်ပစ္စည်းတွေကို ဖျက်စီးပြီး ဆိုင်ကယ် ၂ စီးကိုလည်း ယူသွားတယ်လို့သိရပါတယ်။