'/%3E%3C/svg%3E){kind=small}
ဖယ်ခုံမြို့အတွင်း တိုက်ပွဲများဆက်လက်ဖြစ်ပွားနေပြီးခေါင်းအိကျေးရွာအုပ်စု လွယ်ဝှဲကျေးရွာတွင် တပ်စွဲထားသော အကြမ်းဖက်စစ်ကောင်စီတပ်များကို ကရင်နီတပ်မတော်(KA)၊ KNDF ၊ PDF (ဖယ်ခုံ)နှင့်PDF ပူးပေါင်းမဟာမိတ်တပ်တို့ ထပ်မံခုခံတိုက်ခိုက်ခဲ့ကြောင်း KNDFက ယနေ့(နိုဝင်ဘာ၃ရက်)ညတွင် ထုတ်ပြန်သည်။
ထိုတိုက်ပွဲအတွင်း အကြမ်းဖက်စစ်ကောင်စီတပ်ဘက်မှ နှစ်ဦးသေဆုံးခဲ့ပြီး အများအပြား ထိခိုက်ဒဏ်ရာရခဲ့ကြောင်း KNDFက ထုတ်ပြန်သည်။
ပြည်သူ့ကာကွယ်ရေးတပ်ဖွဲ့ (PDF) ရဲဘော်နှစ်ဦး မစိုးရိမ်ရသော ဒဏ်ရာများရခဲ့ပြီး တိုက်ပွဲမှာ မွန်းတည့် ၁၂နာယီမှ ညနေ ၅ နာရီကျော်အထိကြာမြင့်ခဲ့ဟုဆိုသည်။
အကြမ်းဖက်စစ်ကောင်စီတပ်များသည် လွယ်ဝှဲရွာမှ ဆုတ်ခွာသည့် ယနေ့ နံနက်ပိုင်းတွင် ကျေးရွာအတွင်းရှိ နေအိမ်များကို မီးရှို့ဖျက်စီးခဲ့ကြောင်း သိရသည်။
Public Service Announcement
ထို့အပြင် အကြမ်းဖက်စစ်ကောင်စီတပ်၏ ဖယ်ခုံမြို့ အခြေစိုက် အမြောက်တပ်ရင်းမှ တိုက်ပွဲဖြစ်ပွားရာနေရာသို့ လက်နက်ကြီးများဖြင့် ပစ်ခတ်ခဲ့ကြောင်း ထုတ်ပြန်ချက်တွင် ဖော်ပြထားသည်။
ဖယ်ခုံမြို့၌လည်း လုံခြုံရေးတင်းကြပ်ပြီး အစိုးရဌာနရုံးများတွင် လက်နက်ကြီးအမြောက်များ ချထားခြင်းနှင့် ခံတပ်အဖြစ်အသွင်ပြောင်းခြင်းများ ပြုလုပ်လျက်ရှိသည်ဟု အသိပေးသည်။
နိုဝင်ဘာ ၂ ရက်ကလည်း ဖယ်ခုံမြို့ ဒေသတွင်း အကြမ်း ဖက်စစ်ကောင်စီနှင့် ပြည်သူ့တပ်ဖွဲ့များ၏ ခုခံစစ်တိုက်ပွဲတွင် စစ်ကောင်စီ တပ်သားငါးဦးသေဆုံးထားကြောင်း KNDF က ထုတ်ပြန်ထားသည်။
(လွယ်လှဲကျေးရွာကို အကြမ်းဖက်စစ်တပ်က မီးရှို့ဖျက်ဆီးနေစဥ်)
