အကြမ်းဖက်စစ်ကောင်စီတပ်၏ ကားတစ်စီးကို အရာတော်မြောက်နယ် နောင်ကြီးအိုင်ရွာအထွက်တွင် မိုင်းဆွဲခဲ့ကြောင်း အရာတော််မြို့နယ်တော်လှန်ရေးအင်အားစု (ARA)က ယနေ့ ထုတ်ပြန်သည်။
နိုဝင်ဘာ၁၆ရက် ညနေပိုင်းက အကြမ်းဖက်စစ်ကောင်စီတပ်၏ ကားတစ်စီးကို အရာတော်မြောက်နယ် နောင်ကြီးအိုင်ကျေးရွာအထွက်တွင် မိုင်းဆွဲတိုက်ခိုက်ခဲ့ကာ စစ်ကောင်စီတပ်သား သုံးဦးခန့်သေဆုံးနိုင်သည်ဟု ARA မှ ဗိုလ်ပေါက်စီက ပြောသည်။
“ထန်းတောကုန်းဘက်ကိုသွားမယ့် စစ်ကားဖြစ်ပါတယ်။နောင်ကြီးအိုင်နဲ့ ထန်းတောကုန်းကြားမှာ တိုက်ခိုက်ခဲ့တာ။ကားရှေ့ခေါင်းတစ်ခုလုံး ကြေမွစုတ်ပြတ်သွားတာမို့ မြရိပ်စစ်တပ်က ကားတစ်စီးရောက်လာပြီး ကားအပျက်ကို ကြိုးနဲ့လာဆွဲသွားတယ်”ဟု ၎င်းက ပြောသည်။
ယမန်နေ့ကလည်း နောင်ကြီးအိုင်ရဲစခန်းသို့လာသော စစ်ကောင်စီခြေလျင်စစ်ကြောင်းတစ်ခုမှာ ရဲစခန်းရှေ့တွင်ပင် တိုက်ခိုက်ခံရပြီး စစ်ကောင်စီတပ်သား ခုနှစ်ဦးခန့်သေဆုံးဒဏ်ရာရနိုင်သည်ဟု ARA က အတည်ပြုထားသည်။
ထို့အပြင် နိုဝင်ဘာ ၁၃ ရက်ကလည်း အရာတော်- မုံရွာကားလမ်းပေါ်တွင် စစ်ကောင်စီ ကားတစ်စီးကို မိုင်းဆွဲတိုက်ခိုက်ခဲ့ပြီး မိုင်းလာရှင်းသည့် စစ်ကောင်စီတပ်သားများပါ မိုင်းထိခဲ့သည်။
အရာတော်မြို့နယ်သည် စစ်အာဏာရှင်တော်လှန် ခုခံ တော်လှန်မှုအားကောင်းသောဒေသဖြစ်သည်။ထို့ကြောင့် စစ်ကောင်စီတပ်များမကြာခဏ မိုင်းဆွဲခံနေရပြီး သေဆုံးဒဏ်ရာရရှိသူလည်း အများအပြားရှိနေသည်။